تڕه‌مپ له‌ تازه‌ترین لێدوانیدا ئاماژه‌ به‌ به‌رده‌وامبوونی جه‌نگ ده‌كات

سەرۆکی ئەمریکا، دۆناڵد ترەمپ ڕایگەیاند کە لە ھێرشەکانیان بۆ سەر ئێران بەردەوام دەبن، تا ئەو کاتەی ئەرکەکان تەواو دەبن.
دۆناڵد ترەمپ لە لێدوانێکی ڕۆژنامەوانییدا نوێدا ئاماژەی بەوەداوە کە ئێران بووەتە ھەڕەشە بۆ سەر قه‌واره‌ی زایۆنی و وڵاتانی دیکەی ناوچەکە.
وتیشی: "دەبوو ئەم بژاردە سەربازییە (شەڕی دژبە ئێران)،زۆر زووتر ئەنجامبدرایە".
ھەروەھا سەرۆکی ئەمریکا ڕاشیگەیاند: "ئێمە نامانەوێت لە شەڕی دژبە ئێران، زوو بکشێینەوە تا ئەو کاتەی ئەرکەکان بە باشترین شێوە تەواو دەبن، ئەمەش زۆر خێرا دەبێت".
ئەمەیش لە کاتێکدا پێشتر سەرۆکی ئەمریکا، دۆناڵد ترەمپ ڕایگەیاندبوو کە بەم زووانە شەڕی دژبە ئێران، کۆتایی پێ دێت.