2 کاتژمێر پێش ئێستا
20 جار خوێنراوەتەوە
ئێران بە فەرمی ناڕەزایی لە نەتەوەیەكگرتوەكان لە ڕێكارەكانی ئوردن دەربڕی
پەیام
ئێران ئوردن تۆمەتبار دەكات بەوەی ئاسانكاریی
بۆ هێرشەكانی سەر وڵاتەكەی كردووە و دەڵێت بەرپرسیارێتی ڕاستەوخۆی زیانە گیانی و
ماددییەكانی دەكەوێتە ئەستۆ.
ئەمیر سەعید ئیروانی، نوێنەری ئێران لە نەتەوە
یەكگرتووەكان نامەیەكی ناڕەزایی پێشكەشی هەر یەك لە ئەنتۆنیۆ گۆتێرس سكرتێری گشتی
نەتەوە یەكگرتووەكان و سەرۆكی ئەنجومەنی ئاسایشی نێودەوڵەتی لەبارەی ڕێكارە نایاساییەكانی
ئوردن كرد.
ئێران لە نامەكەیدا ئوردنی تۆمەتبار كردووە
بە ئاسانكاریی بۆ ئەنجامدانی كردەوەی دوژمنكارانە لە خاكەكەی و داوای كرد ئوردن هەر
پاڵپشتی و ئاسانكارییەك بوەستێنێت و ڕێگری بكات لە بەكارهێنانی خاك و ئاسمان و دامەزراوەكانی
لە چالاكیەكان دژی ئێران.
ئیروانی جەختی كردەوە لەوەی ئێران مافی خۆیەتی
كاربكات بۆ لێپرسینەوە لە ئوردن بەپێی یاسای نێودەوڵەتی و هۆشداریدا لەوەی بەردەوامبوونی
هەوڵەكان بۆ شێواندنی ڕاستیەكان و ڕاكردن لە بەرپرسیارێتی دەبێتە هۆی پەرەسەندنێكی
مەترسیدار كە هەڕەشە لە ئاشتی و ئاسایشی نێودەوڵەتی دەكات.
لە تۆڕە کۆمەڵایەتیەکان شەیری بکە