1 کاتژمێر پێش ئێستا
57 جار خوێنراوەتەوە
عهلی حهمهساڵح: نابێت هەرێم لەبەر 50 ملیار دینار هۆکاربێت بۆ دواخستنى 950 ملیار دینار
پەیام
عهلی حهمهساڵح، بڕیاردهری رهوتی ههڵوێست لەبارەى مووچەى فەرمانبەرانى هەرێمەوە لە فەیسبووکى خۆى ڕایگەیاندووە، دهسهڵاتدارانی ههرێم وتویانه دهتوانن نزیكهی 70 ملیار دینار داهاتی ناوخۆ بۆ بهغدا بنێرن لهبری 120 ملیارهكه، "بەڵام نابێت بههۆی 50 ملیار دیناری داهاتی ناوخۆوه، موچهی موچهخۆرانی ههرێم دوابخرێت كه نزیكهی 950 ملیار دیناره".
عهلی حهمهساڵح، ڕاشیگەیاندووە، تا ئێستا لیستی مووچە و تەرازوی پێداچوونەوە لهلایهن ههرێمی كوردستان بۆ بهغدا نەنێردراوە، دەبێت لە زوترین کاتدا بنێردرێت.
ئەوەشى خستووەتەڕوو، تا ئێستا ناکۆکی لەسەر داهاتی ناوخۆ هەیە، دەسەڵاتدارانی هەرێم دەڵێن، 120 ملیار دینارمان نییە و لەسەر هیچ بڕێکی نوێش لەگەڵ عێراق ڕێکنەکەوتون.
ئاماژەى بەوەشکردووە، چارهسهر ئهوهیه لە زووترین کاتدا دۆسیەی داهاتی ناوخۆ لەگەڵ عێراق دا یەکلابکەنەوە. بەپێی ڕێککەوتنی پێشوو دەبوو هەرێم مانگانە 120 دینار بدات، ئێستا هەرێم، دەڵێت، بەهۆی ئەم دۆخەوە دەتوانم 60 بۆ 70 ملیار دینار بدەم.
لەکۆتاییدا عهلی حهمهساڵح جەختى لەوەکردووەتەوە، 50 ملیار دیناری ئەو داهاتەی کە هەرێم دەڵێت ناتوانم بیدەم، نابێت نزیکەی 950 ملیار دیناری موچهی موچهخۆران دوابخات.
لە تۆڕە کۆمەڵایەتیەکان شەیری بکە