2 کاتژمێر پێش ئێستا
301 جار خوێنراوەتەوە
ئێران: بۆردومانى سەربازانی ئەمریكا لە دوبەی كوژراو و برینداری زۆرى لێ کەوتووەتەوە
پەیام
سوپای پاسدارانی ئێران بۆردومانكردنی سەربازانی ئەمریكای لە دوبەی ڕاگەیاند و دەڵێت لەو بۆردومانەدا كوژراو و برینداری زۆر كەوتووەتەوە.
وتەبێژی بارەگای خاتەمولئەنبیا بڵاویكردەوە: سوپای دەستدرێژكاری ئەمریكا بەهۆی هێرشی توندی هێزە چەكدارەكان و لەناوبردنی بنكەكانیان لە ناوچەكە، ڕایانكردووە و لە دەرەوەی بنكەكانیان خۆیان حەشارداوە و لە كاتژمێرەكانی ڕابردوودا دوو حەشارگەی سەربازانی ئەمریكایان لە دوبەی بۆردومانكرد كە زیاتر لە 500 كەس خۆیان تێدا شاردبووەوە.
باس لەوەكراوە ئەو دوو حەشارگەیە دەستنیشان كران و كرانە ئامانجی مووشەك و درۆنە وردپێكەكانی سوپای پاسداران و زیان و كوژراوێكی زۆر لەنێو سوپای ئەمریكا كەوتوەتەوە و چەندین كاتژمێرە ئەمبوڵانسەكان خەریكی گواستنەوەی كوژراو و بریندارانی فەرماندە و سەربازەكانن.
وتەبێژی بارەگای خاتەمولئەنبیا دەڵێت ترەمپ و فەرماندەكانی سوپای ئەمریكا دەبێت بە باشی تێگەیشتبێتن كە ناوچەكە دەبێتە گۆڕستانی سەربازانی ئەمریكی و هیچ ڕێگەیەكیان نییە جگە لە خۆبەدەستەوەدان لەبەردەم ئیرادەی گەلی قارەمان و جەنگاوەرە ئازاكانی ئیسلام.
لە تۆڕە کۆمەڵایەتیەکان شەیری بکە