لە ڕۆژی یەکشەممەوە دەوام لە سەرجەم ناوەندەکانی خوێندن دەستپێدەکاتەوە

پەیام

هەردوو وەزارەتی پەروەردە و خوێندنی باڵاى هەرێم، بڕیاریاندا ڕۆژی یەکشەممە دەرگای ناوەندەکانی خوێندن بەڕووی قوتابیان و خوێندکاراندا بکرێنەوە.

ئێوارەى ئەمڕۆ 27ی ئاداری 2026، لە ڕاگەیەندراوێکی هاوبەشدا هەردوو وەزارەتی پەروەردە و خوێندنی باڵا و توێژینەوەی زانستی، ڕایانگەیاندووە، پاش کۆبوونەوەیەکی هاوبەش بڕیار دراوە بە دەستپێکردنەوەی دەوامی سەرجەم ناوەندەکانی خوێندن.
 
بە گوێرەی ڕاگەیەندراوەکە، ڕۆژی یەکشەممە، 29ی ئاداری 2026، دەوامی فەرمی لە سەرجەم قوتابخانە و زانکۆ و پەیمانگەکان دەستپێدەکاتەوە.

لەدواى هێرشەکانى سەر ئێران لەلایەن ئەمریکا و ئیسرائیلەوە لە رۆژى 28ى 2ى 2026 ەوە پڕۆسەى خوێندن لە هەریمى کوردستان ڕاگیرا و بڕیارە رۆژى 29ی ئاداری 2026، سەرلەنوێ دەوام دەستپێبکاتەوە.