بەخشین كەفالەتی منداڵی ئەو هاووڵاتییەی چوارقوڕنە دەكات كە لە ڕووداوێكی هاتوچۆدا گیانیلەدەستدا

پەیام

 دەزگای خێرخوازیی بەخشین كەفالەتی مانگانەی منداڵی ئەو هاووڵاتییەی سنووری ئیدارەی ڕاپەڕین دەكات كە لە ڕووداوێكی هاتوچۆدا گیانی لەدەست دا.

وەك هەستكردن بە بەرپرسیارێتی ئایینی و ئەخلاقی، دەزگای خێرخوازی بەخشین و ئەنجوومەنی چوارقوڕنەی كۆمەڵ لە ناحیەی چوارقوڕنە سەر بە ئیدارەی ڕاپەڕین سەردانی ئەو خێزانەیان كرد كە ماوەیەك لەمەوبەر سەرۆكی خێزانەكە لە ڕووداوێكی هاتوچۆدا كەوتە نێو ڕووباری گاڕفێن لە بناری قەندیل و دوای دوو ڕۆژ تەرمەكەی دۆزرایەوە.

لە سەردانەكەدا، دەزگای بەخشین بڕیاری دا كەفالەتی منداڵێكیان بكەن و هاوشێوەی منداڵانی دیكەی بێ باوك لە سنوورەكە هاوكاری مانگانەیان پێ بدرێت.