له‌سه‌ر بوشه‌هر؛ ڕوسیا هۆشداری به‌ ئیسرائیل ده‌دات

کەناڵی ١٢ی ئیسرائیلی ئاشکرای کرد، ڕووسیا نامەیەکی توندی ئاراستەی تەلئەبیب کردووە و هۆشداریی داوە کە هێرشکردنە سەر وێستگەی ئەتۆمیی بوشەهر، ژیانی کارمەند و پسپۆڕانی ڕووسی دەخاتە مەترسییەکی جدییەوە. 
کەناڵی ١٢ی ئیسرائیلی لە زاری چەند سەرچاوەیەکی ئاگادارەوە بڵاوی کردەوە، مۆسکۆ بە فەرمی و بە زمانێکی توند نیگەرانیی خۆی بە ئیسرائیل ڕاگەیاندووە سەبارەت بە هەر هێرشێکی ئاسمانی بۆ سەر دامەزراوە ئەتۆمییەکانی ئێران، بەتایبەت وێستگەی بوشەهر. 
بەپێی زانیارییەکانی کەناڵەکە، ناوەڕۆکی نامەکەی ڕووسیا جەختی لەوە کردووەتەوە کە هەر جۆرە بەئامانجگرتنێکی وێستگەی بوشەهر هێڵی سوورە، چونکە ژمارەیەکی زۆر لە ئەندازیار و کارمەندانی ڕووسیا لەو وێستگەیەدا کار دەکەن و هەر هێرشێک ژیانیان دەخاتە مەترسییەوە، ئەمەش کاردانەوەی توندی مۆسکۆی لێ دەکەوێتەوە.