2 کاتژمێر پێش ئێستا
166 جار خوێنراوەتەوە
ترەمپ: هیچ شاندێكمان بۆ پاكستان ناچێت، ئەوەش مانای دەستپێكردنەوەی جەنگ نییە
پەیام
سەرۆكی ئەمریكا سەردانی شاندی وڵاتەكەی بۆ پاكستان بە مەبەستی ئەنجامدانی دانوستان لەگەڵ ئێران هەڵوەشاندەوە و ڕایگەیاند: هیچ شاندێك بۆ پاكستان ناچێت، بەڵام ئەوەش مانای دەستپێكردنەوەی جەنگ نییە.
دۆناڵد ترەمپ سەرۆكی ویلایەتە یەكگرتووەكانی ئەمریكا ڕایگەیاند: بڕیارم دا سەردانی ویتكۆف و كوشنەر بۆ ئیسلاماباد هەڵبوەشێنمەوە.
لە لێدوانێكیدا بۆ تۆڕی فۆكس نیوزی وڵاتەكەی، دۆناڵد ترەمپ ڕایگەیاند: بە ستیڤ ویتكۆف و جارید كوشنەرم وت گەشتێكی 18 كاتژمێری ئەنجام نادەن بۆ قسەكردن لەسەر "هیچ".
ترەمپ وتیشی: هیچ سوودێكی نییە شاندی ئەمریكی گەشتێكی 18 كاتژمێری ئەنجام بدات، دەتوانین ئەوە بە تەلەفونیش بكەین.
سەرۆكی ئەمریكا لەگەڵ ئەوەی سەردانی شاندی وڵاتەكەی بۆ دانوستان لەگەڵ ئێران لە پاكستان هەڵوەشاندەوە، لەگەڵ ئەوەشدا وتیشی: نەناردنی شاند مانای دەستپێكردنەوەی جەنگ نییە، هێشتا بیرمان لەوە نەكردووەتەوە، ئێرانییەكانیش دەتوانن لە هەر كاتێكدا بیانەوێت پەیوەندی بە ئەمریكاوە بكەن.
ترەمپ وتیشی: ئێمە هەموو كارتەكانی ململانێكەمان لەدەستدایە.
بڕیارەكەی سەرۆكی ئەمریكا لەكاتێكدایە پێشتر ئێران چەند جارێك بوونی هەر دانوستانێكی لەگەڵ لایەنی ئەمریكی لە ئێستادا ڕەت كردەوە.
لە تۆڕە کۆمەڵایەتیەکان شەیری بکە