پێش 2 هەفتە
172 جار خوێنراوەتەوە
ڕەزا ئەمیری: نێوەندگیری پاكستان لە نێوان ئێران و ئەمریکا تائێستا بەردەوامە
پەیام
سوپای پاسدارانی ئێران ڕایدەگەیەنێت: دەرفەتی بڕیاردان لەبەردەم ئەمریكا بەرتەسك بووەتەوە، ڕەزا ئەمیریش باڵیۆزی ئێران لە پاكستان دەڵێت، "نێوەندگیری پاكستان لە نێوان ئێران و ئەمریکا تائێستا ماوە و بەردەوامە".
دەزگای هەواڵگریی سوپای پاسدارانی كۆماری ئیسلامیی ئێران بڵاوی كردەوە: (مۆڵەتی ئێران بۆ وەزارەتی جەنگی ئەمریكا (پێنتاگۆن) لەبارەی گەمارۆ، گۆڕانكاریی زمانی هەڕەشەی چین و ڕووسیا بەرانبەر واشنتۆن، پەیامە نەرێنیەكەی دۆناڵد ترەمپ بۆ كۆنگرێس و قبووڵكردنی مەرجەكانی ئێران بۆ دانوستان)، هەموو ئەوانە ئاماژەن لەسەر ئەوەی سەرۆكی ئەمریكا لە بەردەم دوو بژاردەدایە: یان ئۆپەراسیۆنی سەربازیی ئەستەم، یان ڕێككەوتنێكی خراپ یەكێكیان هەڵبژێرێت.
لە لایەكی دیكەوە، ڕەزا ئەمیری باڵیۆزی ئێران لە پاكستان وتی: تائێستا نێوەندگیری پاكستان ماوە و گۆڕینەوەی نامە لەنێوان تاران و واشنتۆن لەڕێگەی ئەو وڵاتەوە بەردەوامە.
جەختیشی كردەوە ئێران پابەندە بە بژاردەی دیپلۆماسی، بەڵام هەر بەرەوپێشچوونێك لە دانوستانەكان بەندە لەسەر گۆڕانكاریی لە ڕەفتاری ئەمریكا.
لە تۆڕە کۆمەڵایەتیەکان شەیری بکە