به‌ریتانیا: كه‌شتییه‌ك ده‌ستی به‌سه‌ردا گیراوه‌ و به‌ره‌و سنووره‌ ئاوییه‌كانی ئێران ئاڕاسته‌ ده‌كرێت

په‌یام
دەستەی ئۆپەراسیۆنە بازرگانییە دەریاییەکانی بەریتانیا ڕایگەیاند، لە نزیک کەناراوەکانی فوجەیرە دەست بەسەر کەشتییەکدا گیراوە و بەرەو ئاوە هەرێمییەکانی ئێران ئاراستە کراوە، ئەمەش دوای وەرگرتنی زانیاری لەسەر ڕووداوێکی دەریایی لەو ناوچەیە. 
دەستەی ئۆپەراسیۆنە بازرگانییە دەریاییەکانی بەریتانیا ئاشکرای کرد، ڕاپۆرتێکیان لەبارەی ڕووداوێکی ئەمنی پێگەیشتووە کە لە دووری ٣٨ میلی دەریایی لە باکووری ڕۆژهەڵاتی بەندەری فوجەیرە ڕوویداوە. 
بەپێی زانیارییەکانی ئەو دەستە بەریتانییە، کەشتییەکە لەلایەن هێزێکەوە کۆنترۆڵ کراوە و لە ئێستادا بە ئاراستەی ناو سنوورە ئاوییەکانی ئێران دەگوازرێتەوە. ئەم گەشەسەندنە نوێیە لە کاتێکدایە کە گرژییە دەریاییەکان لە ناوچەکەدا بەردەوامییان هەیە.