جوڵەى بازرگانى لە سەرجەم دەروازە سنوورییەكانی عێراق و ئێران دەستپێدەکاتەوە

پەیام 

دەستەی گشتیی گومرگەكانی عێراق ڕایگەیاند: سەرۆكوەزیران فەرمانی بە تەواوی دەروازە گومرگییەكان كردووە جووڵەی گواستنەوەی كاڵا و شتومەك لەگەڵ ئێراندا چالاك بكەن، بەم بڕیارەش، رێڕەوە بازرگانییەكانی ئێران بە تەواوی لە ڕێگەی خاكی عێراقەوە كرانەوە.

لە نووسراوێكدا و لە چوارچێوەی جێبەجێكردنی بڕیارەكەدا "حكوومەتی عێراق رێنمایی داوەتە بەڕێوەبەرایەتییە گومرگییەكانی ناوچەكانی باكوور، ناوەڕاست، رۆژاوا و باشوور، لەگەڵ بەڕێوەبەرایەتی گومرگی پۆستەی ئاسمانی و گومرگی فڕۆكەخانەی نێودەوڵەتی بەغدا، بۆ ئەوەی دەستبەجێ پڕۆسەی ترانزێت و دووبارە باركردنەوەی كاڵاكان لەگەڵ ئێراندا كارا بكەن".

لەدواى هێرشەکانى ئەمریکا و ئیسرائیل بۆ سەر ئێران لە 28ى 2ى 2026، بەشێک لە دەروازە سنوورییەکانى نێوان عێراق و ئێران ڕووبەڕووى داخستن بوونەوە، لەئێستادا جموجوڵی بازرگانیی لەنێوان ئەو دوو وڵاتەدا لەڕێگەى سەرجەم دەروازەکانەوە دەستیپێکردووەتەوە.