22/05/2026
880 جار خوێنراوەتەوە
لە عێراق جەژنانە دەدرێت و لە هەرێم هەموو ساڵێک یەک دوو مووچە دەخورێت
پەیام
وەزارەتی نەوتی عێراق لە ڕاگەیەندراوێكدا بڵاوی كردەوە، بەبۆنەی هاتنی جەژنی قوربانی پیرۆزەوە، باسم محەممەد خزەیر، وەزیرەكەی بڕیاری داوە بە خەرجكردنی 100 هەزار دینار وەك "جەژنانە" بۆ سەرجەم فەرمانبەرانی وەزارەتەكەی.
بەپێی راگەیەندراوەكەی وەزارەتی نەوت، بڕیارەكە فەرمانبەرانی هەمیشەیی، گرێبەست و تەنانەت ئەوانەش دەگرێتەوە كە بە شێوازی "كرێی رۆژانە" لە میلاكی وەزارەتەكەدا كار دەكەن.
بڕە پارەكەش وەك هاوكاری و "جەژنانە" لەلایەن وەزارەتەكەو دەستخۆشییە بۆ كارمەندانی كەرتی نەوت و پیرۆزبایییەكە بەبۆنەی هاتنی جەژنی قوربانی پیرۆزەوە.
لە هەرێمى کوردستانیش فەرمانبەران نەک جەژنانە وەرناگرن، ماوەى 11 ساڵە کەمترین مووچەیان لە کاتى دیاریکراوى خۆیدا وەرگرتووە، ئەمە جگەلەوەى هەموو فەرمانبەرێک لەماوەى ئەو 11 ساڵەدا 18 مووچەى تەواوى پێنەدراوە و ٤٤ ى دیکەشى بە لێبڕینەوە پێدراوە.
لە تۆڕە کۆمەڵایەتیەکان شەیری بکە