7 رۆژ پێش ئێستا
205 جار خوێنراوەتەوە
قەرزی ناوخۆیی عێراق گەیشتووەتە 64 ترلیۆن دینار
پەیام
بەرپرسێكی پێشووی عێراق ئاشكرای دەكات قەرزی ناوخۆیی حكومەت بۆ 64 تریلیۆن دینار بەرزبووەتەوە، بۆ دابینكردنی مووچە و خەرجییەكانیش ناچارە دووبارە پەنا بۆ قەرزكردن ببات.
ڕەسووڵ ڕازی، پەرلەمانتاری پێشووی عێراق ڕایگەیاند، بەهۆی ئاڵۆزییەكانی ناوچەكە و پاشەكشەی فرۆشی نەوت، داهاتی گەنجینەی دەوڵەت بەشێوەیەكی بەرچاو كەمی كردووە و حكومەت لەبەردەم بژاردەی قورسدا بێت بۆ دابینكردنی خەرجییە سەروەری و وەبەرهێنانەكان و بەتایبەتیش مووچەی فەرمانبەران، كە پشكی شێری بودجە پێك دەهێنێت.
بەپێی وتەی ڕازی، لە ئێستادا حكومەت بیر لەوە دەكاتەوە جارێكی دیكە لە بانكەكانی "ڕافیدەین و ڕەشید" یان بانكی ناوەندی قەرز بكات تاوەكو ئەو بۆشاییە داراییە پڕ بكاتەوە.
ناوبراو باسی لەوەش كردووە، كە حكومەت 64 ترلیۆن دیناری پێشوو كە لە بانكە ناوخۆییەكان وەرگیراوە قەرزارە و ئەوەش بارگرانییەكی قورسی داراییە و نیشانەی قەیرانێكی قووڵی نەختینەیە كە ڕووبەڕووی عێراق بووەتەوە بەهۆی ناسەقامگیریی بازاڕی وزە و گرژییە سەربازییەكانی ناوچەكە.
لە تۆڕە کۆمەڵایەتیەکان شەیری بکە