2 کاتژمێر پێش ئێستا
54 جار خوێنراوەتەوە
سویسرا لە ئامادەكارییەكانی بۆ میوانداریی دانوستانی تاران و واشنتۆن بەردەوامە
پەیام
سویسرا بەردەوامی هەوڵەكانی بۆ دابینكردنی ژینگەیەكی لەبار و نهێنی بۆ دانوستانە نوێیەكانی نێوان ئەمریكا و ئێران ڕاگەیاند.
لە ڕاگەیەرنراوێكیدا، وەزارەتی دەرەوەی سویسرا دووپاتی كردەوە كە لە هاوینەهەواری "بۆرگنشتۆك"ـی شاخاوی بەردەوامە لە كارئاسانی گفتوگۆكان بۆ جێبەجێكردنی یاداشتی لێكتێگەیشتنی نێوان ئەمریكا و ئێران.
وەزارەتەكە ئاماژەی بەوە كردووە: بە هۆكاری نهێنی ناتوانرێت زانیاری زیاتر لەبارەی بەشداربووان و ئەندامانی كۆبوونەوەكەوە ئاشكرا بكرێت.
ئەم دانوستانانە كە بڕیارە لەلایەن ستیڤ ویتكۆف نێردەی تایبەتی سەرۆكی ئەمریكا و عەباس عەراقچی وەزیری دەرەوەی ئێران سەرپەرشتی بكرێن، هەوڵێكن بۆ گۆڕینی لێكتێگەیشتنە كاتییەكەی هەفتەی ڕابردوو بۆ ئاشتییەكی هەمیشەیی و كۆتاییهێنان بەو جەنگەی لە 28ی شوباتەوە دەستی پێكردووە.
سەرەڕای ئەوەی ویتكۆف و جارید كۆشنەر لە سویسران، بەڵام سەرچاوە ئێرانییەكان هەواڵی گەیشتنی عەراقچی بۆ ئەو وڵاتە ڕەت دەكەنەوە و باس لەوە دەكرێت كە بەهۆی هێرشەكانی ئیسرائیل بۆسەر لوبنان بووە.
ئەمەو بڕیار بوو دوێنێ هەینی مەڕاسیمی واژووكردنی ڕووبەڕوو و دانوستانەكانی ڕێككەوتنی كۆتایی دەست پێبكەن، بەڵام وا ڕاگەیەنرا كە بۆ كاتێكی نادیار دوا خرا.
لە تۆڕە کۆمەڵایەتیەکان شەیری بکە