1 کاتژمێر پێش ئێستا
148 جار خوێنراوەتەوە
فهنزوێلا.. بههۆی دوو بومهلهرزهكهوه نزیكهی 70 ههزار كهس بێسهروشوێن بوون
پهیام
ژمارەی قوربانیانی دوو بوومەلەرزە بەهێزەکەی ڕۆژی چوارشەممەی ڤەنزوێلا بۆ ١٤٣٠ کەس بەرزبووەوە، لەکاتێکدا هەوڵەکانی گەڕان بەدوای دەیان هەزار بێسەروشوێن بەردەوامە و زیانەکانیش بە حەوت ملیار دۆلار دەخەمڵێندرێن.
خورخێ ڕۆدریگێز، سەرۆکی کۆمەڵەی نیشتمانیی ڤەنزوێلا ڕایگەیاند تا ڕۆژی شەممە، ئاماری قوربانیانی هەردوو بوومەلەرزە وێرانکەرەکە گەیشتووەتە ١٤٣٠ کوژراو و ٣٢٣٨ بریندار. لەگەڵ ئەوەشدا، تیمەکانی فریاگوزاری و هاووڵاتییان لە ویلایەتی لا گوایرا، کە زۆرترین زیانی بەرکەوتووە، بە بەکارهێنانی ئامێری قورس و تەنانەت بە دەستی بەتاڵیش بەردەوامن لە گەڕان بەدوای ڕزگاربوواندا لەژێر پاشماوەی باڵەخانە ڕووخاوەکاندا. تا بەیانیی ڕۆژی شەممە، خێزانەکان بێسەروشوێنبوونی لانی کەم ٦٨ هەزار و ٩٠٠ کەسیان تۆمار کردووە.
نەتەوە یەکگرتووەکان مەزەندە دەکات کە نزیکەی حەوت ملیۆن کەس بەهۆی ئەو دوو بوومەلەرزەیەوە کە گوڕەکەیان ٧ پۆینت ٢ و ٧ پۆینت ٥ پلەی ڕێختەر بووە، زیانیان بەرکەوتبێت. ڕێکخراوی نێودەوڵەتیی کۆچ ئاماژەی پێ کردووە کە لەو ژمارەیە نزیکەی دوو ملیۆن کەسیان دانیشتووی کاراکاسی پایتەختن، ئەمەش قەبارەی کارەساتە مرۆییەکە دەردەخات.
بۆ بەهاناوەچوونی لێقەوماوان، فڕۆکەخانەی نێودەوڵەتیی سیمۆن بۆلیڤار بەشێوەیەکی نیمچەیی کراوەتەوە بۆ پێشوازی لە فڕۆکە بارهەڵگرەکانی تایبەت بە گەیاندنی هاوکارییە مرۆییەکان.
تۆم فلێچەر، بریکاری سکرتێری گشتی بۆ کاروباری مرۆیی لە نەتەوە یەکگرتووەکان، دۆخەکەی بە پرۆسەیەکی فریاگوزاریی زۆر ئاڵۆز وەسف کرد و جەختی لەوە کردەوە کە هێشتا ئەرکێکی قورس بۆ گەڕان لەژێر داروپەردووکاندا ماوە. لە ڕووی ئابووریشەوە، بەرنامەی نەتەوە یەکگرتووەکان بۆ پەرەپێدان مەزەندەی کردووە کە زیانە داراییەکانی کارەساتەکە دەگاتە نزیکەی حەوت ملیار دۆلار، کە دەکاتە لەسەدا ٦ی تێکڕای بەرهەمی ناوخۆیی ڤەنزوێلا.
لە تۆڕە کۆمەڵایەتیەکان شەیری بکە