پێش 1 هەفتە
240 جار خوێنراوەتەوە
ئێران.. مەراسیمەكانی ماڵاوایی لە خامنەیی دەستیپێكرد و حەوت ڕۆژ دەخایەنێت
پەیام
مەراسیمەكانی ماڵاوایی لە خامنەیی ڕێبەری پێشووی ئێران دەستی پێكرد و بڕیارە حەوت ڕۆژ بخایەنێت.
ئەمڕۆ هەینی ڕێوڕەسمی ماڵاوایی لە عەلی خامنەیی، ڕێبەری پێشووی ئێران، بە سەردانی فەرمی شاندە دیپلۆماسییەكان لە تاران دەستی پێكرد و بڕیارە ڕۆژانی شەممە و یەكشەممە جەماوەر لە موسەڵای تاران ماڵاوایی لە تەرمەكە بكەن و ڕۆژی دووشەممە مەراسیمی سەرەكی لە تارانی پایتەخت ئەنجام بدرێت.
بەپێی ئەو خشەیەی دانراوە تەرمەكە ڕۆژی سێشەممە دەگوازرێتەوە بۆ شاری قوم، وەك ناوەندی شەرعییەتی ئاینی. ڕۆژی چوارشەممە ڕێوڕەسمەكە ڕەهەندێكی هەرێمی وەردەگرێت و تەرمەكە دەبرێتە شارەكانی نەجەف و كەربەلا لە عێراق.
دوا وێستگەی مەراسیمەكەیش شاری مەشهەد دەبێت، كە ڕۆژی پێنجشەممە 9ی تەمموز، خامنەیی لە مەزارگەی ئیمام ڕەزای شیعەكان لەو شارە بە خاك دەسپێردرێت، هەڵبژاردنی مەشهەد لەبری قوم، بەهۆی پێگەی جەماوەری و پیرۆزیی ئەو شارەیە لای شیعەكان.
ئەم ڕێوڕەسمە درێژخایەنە وەك یەكەم تاقیكردنەوەی دەسەڵاتی ئێران بۆ قۆناغی دوای خامنەیی و نیشاندانی یەكگرتوویی سیستەمەكە دادەنرێت.
لە تۆڕە کۆمەڵایەتیەکان شەیری بکە