"بەڕێوەچوونی بەشێك لە مەراسیمى ماڵاوایی لە خامنەیی لە عێراق نیشانەی پەیوەندیی مێژووییە"

پەیام 

وتەبێژی حكومەتی ئێران ڕایگەیاند: مەڕاسیمی بەخاكسپاردنی ڕێبەری شەهید پەیامێكی سیاسییە بۆ یەكڕیزی و سەقامگیری ناوچەكە. بەڕێوەچوونی بەشێك لە مەراسیمەكەیشی لە عیراق بە نیشانەی پەیوەندی مێژوویی ناو برد.

فاتیمە موهاجیرانی، وتەبێژی حكومەتی ئێران، لە نووسینێكیدا ئاماژەی بەوە كرد "مەڕاسیمی بەخاكسپاردنی ڕێبەری وڵاتەكە لە ئاستی نێودەوڵەتییدا گرنگییەكی زۆری هەیە و تەنها ڕێوڕەسمێكی پرسەداری نییە". 

موهاجیرانی جەختی كردەوە "ئامادەبوونی جەماوەری و وەفدە بیانییەكان پەیامی یەكڕیزی دەگەیەنێت كە ئامانج لێی پاراستنی بەرژەوەندییە هاوبەشەكان و چەسپاندنی ئارامییە لە ناوچەكەدا".

سەبارەت بە بەڕێوەچوونی بەشێكی مەڕاسیمەكانیش لە عێراق، وتەبێژەكە ڕایگەیاند: ئەمە نیشانەی پەیوەندییە مێژوویی و كولتوورییە قووڵەكانی نێوان هەر دوو گەلە و سەلمێنەری ئەوەیە پەیوەندی نێوان گەلان لە پەیوەندی فەرمی حكومەتەكان بەهێزترە.

 هەروەها ئاماژەی بەوە كرد، حكومەتی ئێران لەسەر بنەمای سیاسەتی "تەبایی و دیالۆگ" كار دەكات بۆ ئەوەی لە ڕێگەی عەقڵانییەت و ڕێزگرتنی دوولایەنەوە، ئایندەیەكی سەقامگیرتر بۆ ناوچەكە دەستەبەر بكات و پەیوەندییەكانی لەگەڵ دراوسێكانیدا فراوانتر بكات.