7 رۆژ پێش ئێستا
404 جار خوێنراوەتەوە
حکومەتى عێراق کۆدەبێتەوە و بڕیار لەسەر ناردنى مووچەى هەرێم دەدات
پەیام
چیا نورى پەیامنێرى پەیام لە بەغداد، ڕایگەیاند ئەمڕۆ کۆبوونەوەى ئەنجومەنى وەزیرانى عێراق بەڕێوەدەچێت و باسى ناردنى مووچەى هەرێم و داهاتى 120 ملیار دینارەکە دەکرێت.
هەفتەى ڕابردوو شاندێکى وەزارەتى دارایی هەرێم سەردانى بەغدادى کرد و باسیان لەوە کرد هەرێم مانگانە ناتوانێت 120 ملیار دینار بۆ بەغداد بنێرێت.
پەیامنێرى پەیام ڕاشیگەیاند، ئەمڕۆ ئەنجومەنى وەزیران لە کۆبوونەوەکەیدا باسى 120 ملیار دینارەکەى داهاتى هەرێم و ناردنى مووچە بۆ فەرمانبەرانى هەرێم دەکات.
پێشتریش وەزیرى دارایی عێراق ڕایگەیاندبوو، ئەگەر هەرێم پابەند نەبێت بە ناردنى 120 ملیار دینارەکە، ئەوا ئەوان لە پارەى مووچەى فەرمانبەرانى هەرێم 120 ملیارەکە دەبڕن و پاشان بڕى ئەو پارەیەى کە دەمێنێتەوە بۆ هەرێمى دەنێرن.
لە تۆڕە کۆمەڵایەتیەکان شەیری بکە