پێشبینی دەكرێت مەراسیمی پرسەی خامنەیی 20 ملیۆن كەس تێپەڕێنێت

پەیام

دەستەی مەڕاسیمی بەخاكسپاردنی ڕێبەری باڵای پێشووی ئێران پێشبینی دەكات ژمارەی بەشداربووان 20 ملیۆن كەس تێپەڕێنێت و گەورەترین مەراسیمی ماڵاوایی و بەخاكسپاردن لەسەر ئاستی جیهان لە مێژوودا تۆمار بكات.

لایەنی ڕێكخەری مەڕاسیمەكە گرافیكە زانیارییەكی بڵاو كردووەتەوە كە تێیدا بەراوردی گەورەترین پرسەكانی مێژوو دەكات. بەپێی ئامارەكان، لە پرسەی "سی ئێن ئانادۆرای" لە هندستان 15 ملیۆن كەس، پرسەی ئیمام خومەینی لە ساڵی 1989دا، 10 ملیۆن و 200 هەزار كەس و پرسەی جەمال عەبدولناسڕ سەرۆكی پێشووی میسر لە 1970، پێنج ملیۆن كەس بووە.

ڕێكخەران ئاماژەیان بەوە كردووە "هێشتا ژمارەی كۆتایی بەشداربووانی مەراسیمەكەی خامنەیی دیاری نەكراوە و خانەی ئامارەكەیان بە كراوەیی هێشتووەتەوە، بەڵام پێشبینی دەكەن ژمارەكە 20 ملیۆن كەس تێپەڕێنێت و ڕیكۆردێكی نوێی جیهانی تۆمار بكات، بەتایبەت ئەگەر لێشاوی هاووڵاتییان لە پارێزگاكانی ئێرانەوە تا كۆتایی مەراسیمەكە لە شاری مەشهەد بەردەوام بێت، بەتایبەت كە هێشتا مەڕاسیمەكەی خامنەیی چوار ڕۆژی ماوە".