7 رۆژ پێش ئێستا
303 جار خوێنراوەتەوە
پاكستان میوانداری خولێكی نوێی دانوستانەكانی ئەمریكا و ئێران دەكات
پەیام
بۆ تاوتوێكردنی سزاكان و پارە سڕكراوەكان و پرسی ئەتۆمی تاران، پاكستان میوانداری خولێكی نوێی دانوستانەكانی نێوان ئەمریكا و ئێران دەكات.
بڕیارە ڕۆژی شەممەی داهاتوو لە 11ی تەمووز، پاكستان میوانداری گەڕێكی دیكەی دانوستانی نێوان واشنتن و تاران بكات بە مەبەستی كەمكردنەوەی ئاڵۆزییەكانی ناوچەكە و دەستپێكردنەوەی گفتوگۆكان.
ئەم كۆبوونەوانە سێ دۆسیەی سەرەكی لەخۆ دەگرن، كە بریتین لە سزاكانی ئەمریكا لەسەر ئێران، پارە سڕكراوەكانی ئەو وڵاتە لە دەرەوە و دۆسیەی ئەتۆمی.
سەرچاوە میدیاییەكان ئاماژە بەوە دەكەن، كە هێشتا ئاستی نوێنەرایەتی شاندی ئێران دیاری نەكراوە و بڕیارە پاش تەواوبوونی مەراسیمەكانی ماڵاوایی و بەخاكسپاردنی عەلی خامنەیی، ڕێبەری پێشووی شۆڕشی ئیسلامیی ئێران، بڕیاری كۆتایی لەسەر بدرێت.
هەڵبژاردنی پاكستان وەك نێوەندگیر، گۆڕانكارییەكە لە نەریتەكانی پێشوو كە عومان و قەتەر ئەو ڕۆڵەیان دەبینی. ئەم هەوڵە دیپلۆماسییە لە كاتێكدایە كە هەردوو لا دەیانەوێت پاش جەنگی ئەمدواییە، دەرفەتەكانی گەڕانەوە بۆ سەر مێزی گفتوگۆ و كەمكردنەوەی فشارە ئابوورییەكان تاقی بكەنەوە، لە كاتێكدا ناكۆكییە قووڵەكان لەسەر گەرەنتییەكان و پرۆگرامی ئەتۆمی هێشتا وەك بەربەست ماونەتەوە.
لە تۆڕە کۆمەڵایەتیەکان شەیری بکە