6 رۆژ پێش ئێستا
286 جار خوێنراوەتەوە
عێراق.. تائێستا 3300 فەرمانی گرتنى پاشماوەكانی ڕژێمی پێشوو جێبەجێنەکراون
پەیام
سەرۆكی دادگای تاوانەكانی عێراق ژمارەی ئەو فەرمانی دەستگیركردنانەی پاشماوەكانی ڕژێمی پێشوو ئاشكرادەكات كە تائێستا جێبەجێ نەكراون و دەڵێت 26 كەس لە سەرانی ڕژێمی پێشوو بە لەسێدارەدان سزا دراون.
دادوەر سەعد لامی، سەرۆكی دادگای تاوانەكانی عێراق ڕایگەیاند: دادگاكەیان بەردەوامە لە كاروبارەكانی بەپێی دەستوور تاوەكو هەموو ئەو دۆسییانە تەواو دەكات كە پێشكەشی كراون و دادگاكەیان تایبەتە بە تاوانی دژی مرۆڤایەتی و تاوانی جەنگ و كۆمەڵكوژیی.
لە میانی دیدارێكی لەگەڵ ئاژانسی هەواڵی عێراق، دادوەر سەعد لامی، سەرۆكی دادگای تاوانەكان وتیشی: لەو كاتەوەی دادگاكە دامەزراوە ژمارەیەك لە سەرانی ڕژێمی پێشووی دادگایی كردووە، 160 كەسی سزاداوە كە 26یان سزای لە سێدارەدان بوون و نزیكەی 270 كەسیشی بەهۆی نەبوونی بەڵگەی پێویست بۆ سزادانیان ئازاد كردووە.
سەرۆكی دادگای تاوانەكانی عێراق ڕایشیگەیاند: تا ئێستا 3300 فەرمانی دەستگیركردن لە پاشماوەكانی ڕژێمی پێشوو بەتۆمەتی ئەنجامدانی تاوانی دژی مرۆڤایەتی جێبەجێ نەكراون و ژمارەیەك لە تۆمەتبارەكانیش لە دەرەوەی وڵاتن.
لە تۆڕە کۆمەڵایەتیەکان شەیری بکە