08/07/2026 329 جار خوێنراوەتەوە

تڕەمپ لەکوێ و چۆن پلانی هێرشەکانى سەر ئێرانی واژوو کرد

پەیام

دۆناڵد ترەمپ، سەرۆکی ئەمریکا لە ئەنقەرەوە فەرمانی هێرشە سەربازییە نوێیەکانی بۆ سەر ئێران واژۆ کردووە، بەپێى میدیاى ئەمریکیش ئەو هێرشانەى کە کراونەتە سەر باشووری ئێران پێنج هێندەى هێرشەکانى پێشووتر بەهێز بووە. 
بەپێی ڕاپۆرتێکی ماڵپەڕی "ئەکسیۆس"، ترەمپ لە کاتی بەشداریکردنی لە لوتکەی پەیمانی باکووری ئەتڵەسی (ناتۆ) لە تورکیا، پلانەکەی پەسەند کردووە و ڕەزامەندی لەسەر جێبەجێکردنی داوە. سەرۆکی ئەمریکا هەر لەوێ کۆبوونەوەیەکی لەگەڵ شاندی باڵا ئەنجامداوە، کە پیت هیگسێت وەزیری بەرگری، مارکۆ ڕوبیۆ وەزیری دەرەوە، سکۆت بێسێنت وەزیری گەنجینە، لەگەڵ جەنراڵ دان کین سەرۆکی دەستەی ئەرکانی هاوبەشی سوپای ئەمریکا تێیدا ئامادە بوون. 
 ئەم بڕیارە لە کاتێکدا دراوە کە ناکۆکیی توند لە نێوان واشنتن و هاوپەیمانە ئەوروپییەکانیدا هەیە لە بارەى جەنگی ئێرانەوە، چونکە ترەمپ ڕەخنەی لە بەریتانیا، فەڕەنسا، ئەڵمانیا و ئیتالیا گرتووە بەهۆی پێشکەشنەکردنی پشتگیریی پێویست لە شەڕی دژ بە ئێراندا. 
هەر بەپێی سەرچاوەکە، بەرپرسێکی باڵای ئەمریکا ڕایگەیاندووە کە ئەم هێرشانە لە ڕووی مەودا و هێزەوە، چوار تا پێنج هێندە گەورەتر بوون لەو پەلامارانەی کە نزیکەی دە ڕۆژ پێشتر ئەنجامدرابوون. فەرماندەیی ناوەندیی هێزەکانی ئەمریکا (سێنتکۆم) ڕوونکردنەوەی داوە کە ئۆپەراسیۆنەکە وەڵامێک بووە بۆ هێرشەکانی سەر کەشتییە بازرگانییەکان و ئامانج لێی سەپاندنی "باجێکی قورس" بووە بەسەر تاراندا؛ ئاماژەی بەوەش کردووە کە هێرشەکان سیستمی بەرگریی ئاسمانی، بنکەکانی چاودێریی کەناراوەکان، موشەکی زەوی بە ئاسمان، سەکۆکانی هاویشتنی موشەکی کرووزی دژەکەشتی، بنکەکانی درۆن و دامەزراوەکانی بەندەرەکانیان پێکاوە. 
لە بەرانبەردا، میدیا فەرمییەکانی ئێران پشتڕاستیان کردەوە کە دەنگی تەقینەوەی بەهێز لە بەندەر عەباس، سیریک و دوورگەی قەشم بیستراوە. ئەم خولە نوێیەی پەرەسەندنی سەربازی، هۆشداریی لێدەکەوێتەوە سەبارەت بە تێکچوونی ئەو ئارامییە شلۆق و کاتییەی کە لە نێوان واشنتن و تاراندا هەبوو، و ناوچەکە بەرەو ئاڵۆزیی زیاتر دەبات.

لە تۆڕە کۆمەڵایەتیەکان شەیری بکە

  • 7 کاتژمێر پێش ئێستا

    عه‌راقچی: حه‌وت مه‌رجه‌كه‌مان پێوه‌ر و بنه‌مایه‌ بۆ ڕێكه‌وتن و كردنه‌وه‌ی هورمز

  • 9 کاتژمێر پێش ئێستا

    مه‌كسیك.. به‌ هاوكاری ئه‌مریكا بازرگانێكی گه‌وره‌ی مادده‌ هۆشبه‌ره‌كان ده‌ستگیر كرا

  • 10 کاتژمێر پێش ئێستا

    ئێران.. سوته‌مه‌نی كه‌می كردووه‌ و دوو ڕۆژ جارێك دوو كاتژمێر كاره‌با ده‌بڕدرێت

  • 11 کاتژمێر پێش ئێستا

    سه‌ره‌ڕای ئاگربه‌ست؛ به‌رده‌وام ئاماری قوربانیان له‌ به‌رزبوونه‌وه‌دایه‌

  • 11 کاتژمێر پێش ئێستا

    ئه‌مریكا ڕه‌تی ده‌كاته‌وه‌ هیچ فڕۆكه‌یه‌كی له‌ لایه‌ن ئێرانه‌وه‌ پێكرا بێت

  • 12 کاتژمێر پێش ئێستا

    میدیای ئێران: ئێران بنکەکانی ئەمریکای لە بەحرێن کردە ئامانج

  • 23 کاتژمێر پێش ئێستا

    ئێران بە ئامانج گرتنی فڕۆكەیەكی (ئێف16)ی ڕاگەیاند و ئەمریكاش ڕەتیدەكاتەوە

  • 24 کاتژمێر پێش ئێستا

    میسڕ.. دادگا بە هەمیشەیی (كۆمەڵی ئیخوان موسلیمین)ی خستووەتە لیستی تیرۆرەوە

سەرەتا