یەکەم گەشتی راستەوخۆ لە فڕۆکەخانەی کەرکووکەوە بۆ باکۆ دەستی پێکرد

پەیام 

وەك هەنگاوێك بۆ پەرەپێدانی گەشتە ئاسمانییە نێودەوڵەتییەكان، فڕۆكەخانەی كەركووك یەكەم گەشتی ڕاستەوخۆی بۆ باكۆ دەست پێكرد.

فڕۆكەخانەی نێودەوڵەتی كەركووك ئێوارەی هەینی دەسپێكردنی گەشتە ڕاستەوخۆكانی بۆ باكۆی پایتەختی ئازەربایجان ڕاگەیاند، بەڕێوەبەرایەتی فڕۆكەخانەكە ئاماژەی بەوە كرد، ئەم هەنگاوە لە چوارچێوەی هەوڵە بەردەوامەكانە بۆ زیادكردنی گەشتە دەرەكییەكان و دابینكردنی بژاردەی زیاتر بۆ هاوڵاتیان. 

كردنەوەی ئەم هێڵە ئاسمانییە نوێیە جگە لە ئاسانكاری بۆ گەشتیاران، دەبێتە هۆی بەهێزكردنی كەرتی گواستنەوە و پەرەپێدانی ئاڵوگۆڕی بازرگانی و گەشتیاری لەنێوان عێراق و ئازەربایجاندا. 

هاوكات فڕۆكەخانەكە جەختی كردەوە كە كار دەكەن بۆ كردنەوەی چەندین گەشتی دیكەی نێودەوڵەتی لە داهاتوویەكی نزیكدا تا پێگەی فڕۆكەخانەكە وەك ناوەندێكی زیندوو لە عێراقدا بەهێزتر بكەن.