10/07/2026
258 جار خوێنراوەتەوە
ئەڵمانیا دوو مانگى دیکە هێزەكانی لە هەولێر دەكشێنێتەوە
پەیام
ئەڵمانیا بڕیاری داوە تا كۆتایی مانگی ئەیلوولی داهاتوو، هێزە سەربازییەكانی لە بنكەی هەولێر بەتەواوی بكشێنێتەوە.
گۆڤاری "دێر شپیگل" بڵاوی كردەوە، ئەڵمانیا 30 سەربازەكەی لە هەولێر دەكشێنێتەوە و بنكەكەی نزیك فڕۆكەخانە دادەخات، ئەم بڕیارە دوای هەنگاوەكانی ئەمریكا دێت بۆ كەمكردنەوەی هێزەكانی.
وتەبێژی وەزارەتی بەرگری ئەڵمانیا ڕایگەیاند، ئەمە بەشێكە لە پلانی درێژخایەنیان بۆ كەمكردنەوەی بوونی سەربازی لە ڕۆژهەڵاتی ناوەڕاست بەهۆی مەترسییە ئەمنییەكان و گرژییەكانی پەیوەست بە ئێران.
سەرەڕای كشانەوەكە، ئەڵمانیا جەخت دەكاتەوە كە لە ڕێگەی تیمی ڕاوێژكارییەوە لە ناو باڵیۆزخانە، بەردەوام دەبێت لە پێشكەشكردنی هاوكاری و ڕاوێژی سەربازی بە هێزەكانی پێشمەرگە و پاراستنی خزمەتگوزارییە سەرەكییەكان.
لە تۆڕە کۆمەڵایەتیەکان شەیری بکە