کابینەى نۆ سێ ساڵە بە نایاسایی ماوەتەوە 13 مووچەى فەرانبەرانیشى فەوتاندووە

پەیام 

كابینەی نۆیەمی حكومەتی هەرێم لە حەوتەمین ساڵی تەمەنیدا، شكستی گەورەی لە فەوتاندنی مووچەى فەرمانبەران تۆمارکردووە و لەو ماوەیەدا 13 مووچەى بە تەواوى دابەشنەکردووە و 10 مووچەشى بە لێبڕین دابەشکردووە. 

 لە دواى دەستبەکاربوونى کابینەى نۆیەمى حکومەتى هەرێم بە سەرۆکایەتیی مەسرور بارزانى لە ساڵى 2019، تائێستا 13 مووچە بە تەواوى دابەشنەکراوە، کە بریتین لە حەوت مووچەى 2020، سێ مووچەى 2023، یەک مووچەى 2024، دوو مووچەى 2025.

ئەمە جگەلەوەى 10 مووچەش بە لێبڕینى لەسەدا 21 دابەشکراوە کە ئەوانیش چوار مووچەى ساڵى 2020 و شەش مووچەى ساڵى 2021 ە.