1 کاتژمێر پێش ئێستا
277 جار خوێنراوەتەوە
بهغدا مووچهی مانگی حوزهیران ڕهوانه دهكات و 120 ملیارهكهی لێ دهبڕێت
وەزارەتی دارایی عێراق بڕیاری دا بە خەرجکردنی مووچەى فەرمانبەرانى هەرێمى کوردستان و بەپێى زانیارییەکانیش نە ناردنی داهاتی مانگانە لەلایەن هەرێمى کوردستانەوە بووەتە هۆی ئەوەی بە کورتهێنانەوە مووچە لەلایەن بەغداوە بنێردرێت.
ئەمڕۆ وەزارەتى دارایی حکومەتى فیدڕاڵى بڕیاری دا مووچەى مانگى حوزەیرانى فەرمانبەرانى هەرێمى کوردستان بنێرێت، لەکاتێکدا زیاتر لە ٤٠ رۆژ بەسەر دابەشکردنی مووچەى مانگى ئایاردا تێپەڕیوە.
بەپێى زانیارییەکانى پەیام، ڕێکارەکانى ناردنی مووچە لە لایەن وەزارەتى دارایی عێراقەوە دەستى پێ کردووە، بەڵام گوژمەى مووچەکە بە کورتهێنانەوە دەنێردرێت، بەهۆی ئەوەى داهاتى مانگانە کە بڕەکەى ١٢٠ ملیار دینارە لە لایەن هەرێمى کوردستانەوە ڕەوانەى بەغدا نەکراوە.
بەپێى ڕێکەوتنی حکومەتى هەرێمى کوردستان و حکومەتى فیدڕاڵى پێویستە، لایەنی یەکەم کە حکومەتى هەرێمە مانگانە بڕى ١٢٠ ملیار دینار لە داهاتى ناوخۆی بۆ وەزارەتى دارایی حکومەتى فیدڕاڵ ڕەوانە بکات، لە بەرانبەردا حکومەتى فیدڕاڵ مانگانە مووچەى فەرمانبەرانى هەرێمى کوردستان ڕەوانە دەکات.
لە تۆڕە کۆمەڵایەتیەکان شەیری بکە