1 کاتژمێر پێش ئێستا
103 جار خوێنراوەتەوە
وەزارەتی کارەبا بۆ هاووڵاتیان: قەرزی پێش پڕۆژەی ڕووناکی نەدەنەوە کارەباکەتان دەبڕێت
وەزارتەى کارەبا ڕایگەیاند هەر هاوبەشێکى کارەبا لە ماوەى ٥٠ ڕۆژدا پارەنەدا، بەشێوەیەکى ئۆتۆماتیکى کارەباکەى لەسەر دەکوژێنرێتەوە.
وەزارەتی کارەبا راگەیەنراوێکی بڵاوکردەوە و دەڵێت، ئەگەر هاوبەشان لە ٥٠ رۆژدا پارەی کارەبا نەدەن، راستەوخۆ کارەبایان دەبڕێ. داواش دەکات بە زووترین کات پارەی کۆنی قەرزی کارەبای پێش پڕۆژەی رووناکی بدرێ.
لە ڕاگەیەنراوەکەی وەزارەتی کارەبادا هاتووە، ماوەی پارەدانی کارەبا ستانداردە ٥٠ رۆژییەکە راستەوخۆ دوای راگەیاندنی لەلایەن وەزارەتەکەوە چالاک دەکرێ.
وەزارەتی کارەبا ڕایگەیاندووە کە ئەم ڕێکارە بەپێی ڕێنماییەکانی ساڵی 2019یە و ئامانج لێی پاراستنی دادپەروەری و بەردەوامیی خزمەتگوزارییەکەیە بۆ هەمووان. بەپێی سیستەمەکە، پێدانی مۆڵەتی 50 ڕۆژ لە کاتی دەرچوونی پسوولە لە سەکۆی دیجیتاڵیی (ئی-پسوولە) دەستپێدەکات، و لە ئەگەری نەدانی قەرزە نوێ و کۆنەکاندا، کارەبای هاوبەشان بە شێوەیەکی ئۆتۆماتیکی دەپچڕێت.
لە تۆڕە کۆمەڵایەتیەکان شەیری بکە