15 کاتژمێر پێش ئێستا
135 جار خوێنراوەتەوە
ئەو كەسەی بە گۆڕینی دەنگی بۆ كچ هەزاران دۆلاری دەستکەوتووە، دەستگیر كرا
پەیام
ئەو كەسەی لە ڕێگەى گۆڕینی دەنگی بۆ كچ هەزاران دۆلاری لە كەسێك سەندووە، لە سلێمانى دەستگیر كرا.
پۆلیسی پارێزگای سلێمانی لە ڕاگەیەندراوێکدا ڕایگەیاند: تۆمەتبارێك دەستگیر كرا كە بە فێڵ لە تۆڕی كۆمەڵایەتی سناپ چاتەوە بڕێك پارەی لە هاووڵاتیەك سەندبوو.
بەپێی ڕاگەیەنراوەكە "هاووڵاتییەك سكاڵای تۆمار كردووە كە لە تۆڕی كۆمەڵایەتی سناپ چات بە ئاكاونتێكی ساختە و بەناوی ئافرەتەوە و بە بەكارهێنانی ژیریی دەستكرد و گۆڕینی دەنگ، بە پەیوەندی خۆشەویستی ساختە فریو دراوە و بڕی (17هەزار دۆلار)ی لێ سەندراوە و دواتر سناپ چاتەكەی سووتێنراوە".
پۆلسی سلێمانی ڕایگەیاند: دوای وەرگرتنی بڕیاری دادوەر و دەستپێكردنی لێكۆڵینەوەكان، توانرا تۆمەتبار كە تەمەنی 24 ساڵە، بدۆزرێتەوە و دەستگیر بكرێت.
لە تۆڕە کۆمەڵایەتیەکان شەیری بکە