1 کاتژمێر پێش ئێستا
118 جار خوێنراوەتەوە
کۆڕەک تیلیکۆم داوا لە سەرۆکوەزیران دەکات مافیان بۆ بگەڕێنێتەوە
پەیام
کۆمپانیای کۆرەک تیلیکۆم ڕاگەیەنراوێکى لەسەر بریاری هەڵپەساردنى کارەکانیان لەلایەن حکومەتى فیدڕاڵییەوە بڵاو کردەوە و رایانگەیاندووە، دەستەى راگەیاندن و گەیاندنى عێراق دەسەڵاتى هەڵوەشاندنەوەى گرێبەستى کۆڕەک تلیکۆمی نییە هەروەها و دەشڵێت، ئەو کارە لە دەسەڵاتی ئەواندا نییە. داواش لە سەرۆکوەزیرانى عێراق دەکات دەستوەردان بکات و مافیان بۆ بگێرێتەوە.
کۆمپانیاى کۆڕەک تیلیکۆم رایگەیاندووە، بەگوێرەى راسپاردەى پێشووتر، بڕیاربووە کە قەرزەکانیان پاکتاو بکەن و لە بەرانبەردا گرێبەستى کارکردن بە خزمەتگوزارى نەوەى چوارەمیان پێ بدرێت و، تاوەکو ٢ى حوزەیرانى ئەم ساڵ چەند نووسراوێک لەنێوانیان ئاڵوگۆڕکراوە بەبێ ئەوەى بەربەستەکانى بەردەم واژۆکردنى گرێبەستى کارپێکردن بە خزمەتگوزارییەکە چارەسەر بکرێن.
کۆڕەک تیلیکۆم رایگەیاندووە، سەرۆکى جێبەجێکارى ئەو دەستەیە دەسەڵاتى ئەوەی نییە گرێبەستى پاکتاوکردنەکە هەڵبووەشێنێتەوە کە لەلایەن دەسەڵاتى باڵاترەوە بڕیاری لەسەر دراوە.
ئەو کاردانەوەیەى کۆمپانیاى کۆڕەک تیلیکۆم لەدواى ئەوە هات، دەستەی راگەیاندن و گەیاندنی عێراق گرێبەستی کۆمپانیای کۆڕەک تیلیکۆم و هەڵوەشاندنەوەی ئەو گرێبەستەى راگەیاند کە بۆ پاکتاوکردنى قەرزەکان لەگەڵ کۆمپانیاکەدا واژوو کرابوو.
لە تۆڕە کۆمەڵایەتیەکان شەیری بکە