5 رۆژ پێش ئێستا
445 جار خوێنراوەتەوە
كرێملن: هەر دیدارێكی پووتین و زیلینیسكی دەكرێت تەنیا بۆ جێگیركردنی ڕێككەوتن بێت
پەیام
ڕووسیا ڕایدەگەیەنێت: هەر دیدیارێكی پووتین و زیلینیسكی دەكرێت تەنیا بۆ جێگیركردنی ڕێككەوتن بێت.
دیمیتری پێسكۆڤ وتەبێژی كۆشكی سەرۆكایەتی ڕووسیا (كرێملن) ڕایگەیاند: دیدار و كۆبوونەوەی ڤلادیمێر پووتین سەرۆكی ڕووسیا و ڤلۆدیمێر زیلینیسكی سەرۆكی ئۆكرانیا دەكرێت تەنیا بۆ بڕیاردان لە ڕێككەوتنەكانی تایبەت بە چارەسەری ناكۆكییەكانی قەیرانی ئۆكرانیا بێت.
پێسكۆف وتیشی: ماوەیەكە پێشنیازی دیدار و كۆبوونەوەی لوتكەی پووتین و ترەمپ و زیلینیسكی كراوە، ئێوە هەڵوێستی سەرۆكی ئێمە باش دەزانن.
ئەو وتیشی: كۆبوونەوەی لەو شێوەیە ناكرێت ئەنجام بدرێت مەگەر بۆ پێدانی مۆركی فەڕمی بێت بە ڕێككەوتنەكان.
لێدوانەكەی وتەبێژی كۆشكی كرێملن دوای ئەوە هات كە ماڵپەڕی "ئێكسیۆس" لە زاری سەرچاوە ئاگادارەكانەوە بڵاوی كردەوە كە بەڕێوەبەری هەواڵگریی ئەمریكا "سی ئای ئەی" لە سەردانێكیدا بۆ مۆسكۆ، پڕۆژەی ئەنجامدانی لوتكەیەكی سێقۆڵیی نێوان دۆناڵد تڕەمپ و پوتین و زێلێنسكی پێشنیاز كردووە.
لە تۆڕە کۆمەڵایەتیەکان شەیری بکە