1 کاتژمێر پێش ئێستا
146 جار خوێنراوەتەوە
پاکستان ڕێکەوتننامەی مەککە بۆ بەرگریکردن لە سعودییە کارا دەکات؟ وەزیری دەرەوە وەڵام دەداتەوە
وەزارەتی دەرەوەی پاکستان ڕایگەیاند لە ئێستادا هیچ وتووێژێک بۆ کاردانەوەی سەربازی لە چوارچێوەی "پەیمانی مەککە" دا نییە دوای هێرشەکانی حووسییەکان بۆ سەر سعودییە، بەڵام جەختی لە سروشتی بەرگریکارانەی ڕێککەوتنەکە کردەوە.
لە میانەی کۆنگرەیەکی ڕۆژنامەوانیدا لە ڕۆژی پێنجشەممەدا، وتەبێژی وەزارەتی دەرەوەی پاکستان ڕوونی کردەوە کە ئەم ڕێککەوتننامەیە لە سروشتی خۆیدا "هاوپەیمانییەکی بەرگریکارانەیە" و جەخت لەسەر بەدیهێنانی ئاسایش لە ڕێگەی ڕێگریکردنەوە دەکاتەوە. ئاماژەی بەوەش کرد کە پاکستان لەگەڵ "هاتنی کاتی گونجاو" دا، بەپێی پێداویستییەکانی ڕێککەوتننامەکە ڕەفتار دەکات.
ئەم لێدوانانەی وتەبێژەکە لە وەڵامی پرسیارێکدا هاتن سەبارەت بە چۆنێتیی پابەندبوونی ئیسلام ئاباد بە بەڵێنەکانی لە چوارچێوەی ڕێککەوتننامەکەدا، دوای ئەوەی حووسییەکان هێرشیان کردە سەر خاکی عەرەبستانی سعودییە.
پێشتریش وەزارەتی دەرەوەی پاکستان بە توندی سەرکۆنەی هێرشەکانی حووسییەکانی بۆ سەر چوار ناوچەی عەرەبستانی سعودییە کردبوو، هەروەها جەختی لە گرنگیی ڕێزگرتن لە سەروەریی شانشینی سعودییە و پاراستنی یەکپارچەییی خاکەکەی کردبووەوە.
لە تۆڕە کۆمەڵایەتیەکان شەیری بکە