08/09/2026
514 جار خوێنراوەتەوە
به‌ریتانیا پێداچوونه‌وه به په‌یوه‌ندییه بازرگانییه‌كانی ده‌كات
په‌یام
وەزیرێکی حکومەتی بەریتانیا ڕایگەیاند لەندەن ڕێگری لەو بەرهەمانە دەکات کە لە ئۆردوگا جوولەکەنشینەکانی کەناری ڕۆژاوا هەناردە دەکرێت.
دوای شەش هەفتە لە وەرگرتنی پۆستەکەی، ئید میلیباند، وەزیری دەرەوەی بەریتانیا ڕایگەیاندبوو کە بەراوردکاری و داڕشتنەوە بۆ سیاسەتی وڵاتەکەی بەرانبەر ئیسرائیل دەکات. بڕیاریشە ناوبـراو بەیاننامەیەک سەبارەت بە ڕێکارە بازرگانییە چاوەڕوانکراوەکان لە پەرلەماندا پێشکەش بکات.
لە لایەکی دیکەوە، ئاندی بێرنهام، سەرۆکوەزیرانی نوێی بەریتانیا کە ئەویش لە مانگی تەمووزەوە دەستبەکار بووە، ڕۆژی دووشەممە لە پەیوەندییەکی تەلەفۆنیدا لەگەڵ دۆناڵد ترامپ، سەرۆکی ئەمریکا، جەختی لەسەر "گرنگیی چارەسەری دوو دەوڵەت" کردەوە و، رایگەیاند وڵاتەکەی پێداچوونەوە بە پەیوەندییە بازرگانییەکانی لەگەڵ ئیسرائیل دەکاتەوە.
میلیباند هەفتەی ڕابردوو هۆشداریی دابوو کە پڕۆژەی نیشتەجێکردنی "E١" لە کەناری ڕۆژئاوای داگیرکراو، "بەناو ئەو زەوییانەدا تێپەڕ دەبێت کە فەلەستینییەکان داوای دەکەن بۆ دامەزراندنی دەوڵەتەکەیان، ئەمەش چارەسەری دوو دەوڵەت دەخاتە مەترسییەوە. "
شایانی باسە، دامەزراوەکانی نەتەوە یەکگرتووەکان و زۆربەی حکومەتەکان، لەنێویاندا بەریتانیا، ئۆردوگا جوولەکەنشینەکان لە کەناری ڕۆژئاوا بە نایاسایی بەپێی یاسای نێودەوڵەتی دادەنێن و کەناری ڕۆژئاواش وەک خاکێکی داگیرکراو لەلایەن سوپای ئیسرائیلەوە هەژمار دەکەن. لەبەرانبەردا، ئیسرائیل جەخت دەکاتەوە کە ئەو ناوچانە "ناکۆکی لەسەرن" نەک داگیرکراو، و ڕایگەیاندووە کە یهوودییەکان مافی مێژووییان لەو خاکەدا هەیە.
لە تۆڕە کۆمەڵایەتیەکان شەیری بکە