1 کاتژمێر پێش ئێستا
104 جار خوێنراوەتەوە
عێراق.. لە سبەی تا پێنجشەممە هاتوچۆی دەروازە سنوورییەكان دەستپێدەكاتەوە
پەیام
عێراق كاتی دەستپێكردنەوەی قۆناغبەقۆناغی هاتوچۆی گەشتیاری و ئاڵوگۆڕی بازرگانی لە دەروازە سنوورییەكانی لەگەڵ ئێران ڕاگەیاند، ئەمەش دوای داخرانێكی كاتی دێت كە لەسەر بنەمای هۆكاری ئەمنی گیرابووە بەر.
شانەی ڕاگەیاندنی ئەمنی لە ڕاگەیەندراوێكدا ئاشكرای كرد "هاتوچۆی گەشتیاران لە دەروازەكانی شەلامچە و شەیب دەستیپێكردووەتەوە؛ هاوكات جووڵەی بازرگانی ڕۆژی دووشەممە لە شەلامچە، سێشەممە لە مەندەلی و ڕۆژی پێنجشەممەش لە دەروازەی شەیب دەستپێدەكاتەوە، لە كاتێكدا ئاڵوگۆڕی بازرگانی لە هەردوو دەروازەی زڕباتییە و مونزرییە بە شێوەی 24 كاتژمێری و بێ پچڕان بەردەوامە".
داخستنی دەروازە سنوورییەكان دوای هێرشێكی فڕۆكەی بێفڕۆكەوان هات بۆ سەر هێڵێكی بۆریی نەوت لە ناو خاكی سعودیە، كە بەپێی هەڵسەنگاندنە هاوبەشەكانی بەغدا و ڕیاز، هێرشەكە لە ناو خاكی عێراقەوە ئاراستە كرابوو.
لە تۆڕە کۆمەڵایەتیەکان شەیری بکە