58 خولەک پێش ئێستا
106 جار خوێنراوەتەوە
ڕاگرتنى هاوکارییەکانى هاوپەیمانى نێودەوڵەتى بۆ پێشمەرگە ڕاگەیەندرا
پەیام
وەزارەتی پێشمەرگە ڕاگرتنی هاوكارییەكانی هاوپەیمانیی نێودەوڵەتی بۆ هێزەكانی پێشمەرگە ڕاگەیاند.
بەختیار محەممەد سدیق ئەمینداری گشتی وەزارەتی پێشمەرگە ڕایگەیاند: كاتی دیارییكراوی هاوكارییە داراییەكانی هاوپەیمانیی نێودەوڵەتی بۆ پێشمەرگە كۆتایی هات.
ڕاشیگەیاند "هاوكارییەكانی مانگەكانی هەشت و نۆ كۆتا گوژمەی هاوپەیمانی بوو بۆ هێزەكانی پێشمەرگە".
ئاماژەی بەوەشكرد، یاداشتی لێكتێگەیشتنی نێوان وەزارەت و هاوپەیمانیی نێودەوڵەتی بۆ ماوەی چوار ساڵ بوو (لە 21 مانگی نۆی 2022 تا 21ی نۆی 2026)، كۆتایی هات.
ئەمینداری گشتی وەزارەتی پێشمەرگە وتیشی "داوامان لە حكوومەتی فیدڕاڵ كردووە قەرەبووی هاوكارییە داراییەكەی هاوپەیمانییمان بۆ بكاتەوە".
لە تۆڕە کۆمەڵایەتیەکان شەیری بکە