1 کاتژمێر پێش ئێستا
118 جار خوێنراوەتەوە
وه‌زاره‌تی كشتوكاڵی هه‌رێم داوای هه‌ڵوه‌شاندنه‌وه‌ی بڕیارێكی زه‌یدی ده‌كات
پەیام
بڕیارێكی سەرۆكوەزیرانی عێراق لەبارەی لابردنی باج لەسەر هاوردەی هێلكە ناڕەزایی هەرێمی لێدەكەوێتەوە و وه‌زیری كشتوكاڵی هه‌رێم داوای هه‌ڵوه‌شاندنه‌وه‌ی دەكات و ده‌ڵێت: "بڕیاره‌كه بازاڕی ناوخۆی هەرێمی کوردستان دەخنکێنێت".
بێگەرد تاڵەبانی، وەزیری كشتوكاڵ و سەرچاوەكانی ئاوی حكومەتی ماوەبەسەرچووی هەرێم، نیگەرانی و ناڕەزایەتیی فەرمی بەرانبەر بە بڕیاری سەرۆكوەزیرانی عێراق سەبارەت بە دواخستنی سەندنەوەی باج لەسەر هێلكە و مریشكی هاوردە دەربڕی و، داوای پێداچوونەوە و هەڵوەشانەوەی بەپەلەی بڕیارەكە دەكات.
ناوبراو دوو نامەی ناڕەزایی ئاراستەی هەریەك سەرۆكوەزیران و وەزیری كشتوكاڵی عێراق كردووە و تێیاندا جەخت دەكاتەوە، بەرهەمی ناوخۆیی نەك هەر پێویستیی تەواوی هەرێمی كوردستان پڕ دەكاتەوە، بەڵكو توانایەكی گەورەی هەیە بۆ پڕكردنەوەی پێویستیی سەرجەم پارێزگاكانی تری عێراقیش.
بۆیە لابردن یان دواخستنی باج لەسەر بەرهەمی هاوردە، بازاڕی ناوخۆ دەخنكێنێت، زیانێكی دارایی قورس بە خاوەن كێڵگەكان دەگەیەنێت و هەلی كار بۆ دەیان هەزار هاووڵاتی دەخاتە مەترسییەوە.
لە تۆڕە کۆمەڵایەتیەکان شەیری بکە