2 کاتژمێر پێش ئێستا
54 جار خوێنراوەتەوە
پاكێجێك بۆ چارەسەری كاریگەری بەرزكردنەوەی بەهای دۆلار پێشنیازدەكڕێت
پەیام
چوارچێوەی هەماهەنگی پاكێجێك بۆ چارەسەری كاریگەری بەرزكردنەوەی بەهای دۆلار پێشنیاز دەكات و داوا لە حكومەت و بانكی ناوەندی دەكات دەستبەجێ كاری لەسەر بكەن.
چوارچێوەی هەماهەنگی داوا دەكات حكومەت و بانكی ناوەندیی كۆنترۆڵی دۆلار لە بازاڕەكان بكەن بۆئەوەی بەهای گۆڕینەوە سەقامگیر بێت و ڕێگری لە یاریپێكردن و بەرزبوونەوەی نرخی كاڵا و خزمەتگوزارییەكان بكرێت.
داوای دانانی لیستێكی نرخی پارێزراو كراوە كە كاڵا بنەڕەتیەكانی وەك خۆراك و دەرمان و كەرەستەی بیناسازیی تێدا بێت و بۆ ماوەی شەش مانگ لە ڕسومات و گومرگ ببەخشرێن و داواكردووە پارەی خوێندن 15% بۆ ئەمساڵی خوێندن كەمبكرێتەوە.
چوارچێوەی هەماهەنگی داوای لێپرسینەوەی پێدانی باج لەگەڵ هەموو كۆمپانیاكانی پەیوەندی و بانكەكان و كۆمپانیا گەورەكان دەكات و قەرزی بێسوود بدرێت بە پرۆژە كشتوكاڵی و پیشەسازییەكان.
لە تۆڕە کۆمەڵایەتیەکان شەیری بکە