2 کاتژمێر پێش ئێستا
140 جار خوێنراوەتەوە
ئەنجومەنی باڵای فەتوا: ئەركی حكومەتە قەرزی ئاو و كارەبا لە پاشەكەوتی مووچە وەربگرێتەوە
پەیام
سەرۆكی ئەنجوومەنی باڵای فەتوا لە كوردستان دەڵێت: ئەركی حكومەتە قەرزی ئاو و كارەبا و باجەكان لە پاشەكەوتی مووچە وەربگرێتەوە.
پ. د. حەسەن موفتی سەرۆكی ئەنجوومەنی باڵای فەتوا لە كوردستان دەڵێت: ئەركی شەرعی و یاسایی حكومەتە لە هەر وڵاتێك بە كوردستانیشەوە كە مانگانە لە كاتی خۆیدا و بێ دواكەوتن مافی موچەخۆران بەتەواوەتی بدات، ئەركی حكومەتە ئەو موچانەی نەیداوون، یان پاشەكەوتی كردووە بە میكانیزمێكی گونجاو بیگەڕێنێتەوە، چونكە ئەو موچانە قەرزە لەسەری، بە هیچ بەهانەیەك نابێت فەرامۆشی بكات.
ڕایشیگەیاند: لانی كەم پێویستە لەسەر حكومەت قەرزی موچەكانیان بخاتە سەر هەژمارێكی بانكی و لەبری قەرزی ئاو و كارەبا و باج و لەو ڕێگەوە مووچەخۆران قەرزەكانیان بە حكومەت بدەنەوە.هەموو مووچەخۆرێكی هەرێم
هەموو مووچەخۆرێكی هەرێم لە ماوەى ١١ ساڵى ڕابردوودا ١٨ مووچەی بەتەواوى پێنەدراوە و ٤٤ مووچەى دیکەشی بە شێوەی پاشەكەوت و کەمکردنەوە و لێبڕین پێدراوە.
لە تۆڕە کۆمەڵایەتیەکان شەیری بکە