كارنی: ئەم كاتە خراپترین كاتە بۆ جیابوونەوەی هەرێمی ئەلبێرتا لە كەنەدا

پەیام

سەرۆكوەزیرانی كەنەدا هۆشداری لە هەوڵەكان بۆ جیابوونەوەی هەرێمی نەوتیی ئەلبێرتا لە وڵاتەكەی دەدات.

مارك كارنی، سەرۆكوەزیرانی كەنەدا هۆشداری دا لە گرتنەبەری هەر هەنگاوێك كە ڕەنگە ببێتە هۆی جیابوونەوەی هەرێمی ئەلبێرتای دەوڵەمەند بە نەوت لە كەنەدا و ئاماژەی بەوە كرد كە ئەم كاتە خراپترین كاتە بۆ هەنگاوێكی لەو شێوەیە، بە تایبەت لە سایەی ناكۆكییە نێودەوڵەتییەكان و ئاستەنگە ئابوورییە سەختەكانی بەردەم وڵاتەكە.
قسەكانی كارنی لە میانەی سەردانێكیدا هات بۆ شاری كالگاری، كە تێیدا لەگەڵ خۆبەخشانی لایەنگری مانەوەی هەرێمەكە لە چوارچێوەی كەنەدادا كۆ بووەوە و داوای لە دەنگدەران كرد بەشداری لە دەنگدانی ڕۆژی دووشەممەی داهاتوودا بكەن. 

ئەو دەنگدانە ڕیفراندۆمێكی ڕاستەوخۆ نییە بۆ سەربەخۆیی، بەڵكوو دیاری دەكات كە ئایا حكوومەت ڕێكاری یاسایی بۆ ڕیفراندۆمێكی داهاتوو دەستپێبكات یان نا، جەختیشی كردەوە كەنەدییەكان بە یەكگرتوویی بەهێزترن.

ئەم پێشهاتانە هاوكاتن لەگەڵ گرژییە ئابووری و بازرگانییەكانی نێوان دوو وڵاتەكە، بەهۆی ئەو باجە گومرگییانەی ئیدارەی ترەمپ سەپاندوویەتی و هەڕەشە بەردەوامەكانی بۆ لكاندنی كەنەدا بە ئەمریكاوە، هەرێمی ئەلبێرتایش بەهۆی یەدەگی زەبەلاحی نەوتەوە یەكێكە لە گرنگترین ناوچە نەوتییەكانی جیهان.