1 کاتژمێر پێش ئێستا
99 جار خوێنراوەتەوە
تره‌مپ: به‌زووی جه‌نگ كۆتایی دێت و نرخی نه‌وت داده‌به‌زێت
په‌یام
دۆناڵد تره‌مپ، سەرۆکی ویلایەتە یەکگرتووەکانی ئەمریکا جەختی کردەوە ڕووبەڕووبوونەوەی سەربازی لەگەڵ ئێران زۆر بەخێرایی کۆتایی پێدێت.
لە میانی کۆبوونەوەیەکی بانگەشەی هەڵبژاردندا لە ویلایەتی کارۆلاینای باکوور، تره‌مپ ئاماژەی بەوە کرد ئێرانییەکان دەیانەوێت جەنگەکە تا دوای هەڵبژاردنەکان بەردەوام بێت. بەڵام جەختی لەوە کردەوە کە کۆتاییهاتنی شەڕەکە مسۆگەرە و "بە جۆرێک لە جۆرەکان" ڕوودەدات.
هاوکات تره‌مپ پێشبینی کرد کە کۆتاییهاتنی ئەو ڕووبەڕووبوونەوەیە بێتە هۆی دابەزینێکی بەرچاو لە نرخەکانی نەوتدا.
لەگەڵ ئەوەی سەرۆکی ئەمریکا جەختی لە نزیکبوونەوەی کۆتایی جەنگەکە کردەوە، بەڵام هیچ وادەیەکی دیاریکراوی بۆ ڕاگرتنی کردە سەربازییەکان ڕانەگەیاند. هەروەها ڕوونی نەکردەوە کە ئایا کۆتاییهاتنی شەڕەکە لە ڕێگەی ڕێککەوتنێکی دیپلۆماسییەوە دەبێت یان لە ئەنجامی پێشهاتە سەربازییەکان لە مەیدانەکەدا.
لە تۆڕە کۆمەڵایەتیەکان شەیری بکە