1 کاتژمێر پێش ئێستا
35 جار خوێنراوەتەوە
تۆم باراك: مەترسی و هەڕەشەی ئەتۆمیی ئێران لە ئارادا نەماوە
پەیام
تۆم باراك نێردەی تایبەتی ئەمریكا بۆ عێراق و سووریا باس لە كاریگەریی هێرشەكانیان بۆ سەر بنكە ئەتۆمییەكانی ئێران دەكات و دەڵێت، "هەمووان هاوڕان لەسەر ئەوەی مەترسی و هەڕەشەی دەستبەجێی ئەتۆمیی ئێران لە ئارادا نەماوە".
باراك، دوێنێ لە پۆدكاستێكدا لە وەڵامی پرسیارێكدا كە ئایا دەكرێت لە كۆتایی ئەم هەفتەیە (شەممە، یان یەكشەممە) هێرش بكرێتەوە سەر ئێران؟ ڕایگەیاند: "بێگومان، بەڵێ دەكرێت".
هەر لە درێژەی وەڵامی ئەو پرسیارەدا، نێردەكەی تایبەتی سەرۆكی ئەمریكا ئاماژەی بە هەوڵە دیپلۆماسییە بەردەوامەكانی واشنتن كرد و وتی: سەرۆك ترەمپ زۆر ڕوون بووە، سەرۆك ئامادەیە و دەرگای بۆ ڕێككەوتن واڵایە".
لە بەشێكی دیكەی قسەكانیدا باراك باسی لە كاریگەریی هێرشە ئاسمانییەكانی وڵاتەكەی لە حوزەیرانی 2025 بۆ سەر بنكە ئەتۆمییەكانی ئێران و شەڕی ئەمساڵیش كرد و وتی: هەمووان هاوڕان لەسەر ئەوەی مەترسی و هەڕەشەی دەستبەجێی ئەتۆمیی ئێران لە ئارادا نەماوە.
لە تۆڕە کۆمەڵایەتیەکان شەیری بکە