پێش 2 هەفتە 310 جار خوێنراوەتەوە

به‌هۆی دانووستانه‌كان له‌ قه‌ته‌ر؛ نرخی نه‌وت ڕووی له‌ دابه‌زین كرد

 

نرخی نەوت لە مامەڵەکانی سەرلەبەیانیی ئەمڕۆ دووشەممەدا بە ڕێژەی زیاتر لە ١% دابەزی، بەهۆی بەردەوامیی دانوستانەکانی ئێران و قەتەر بۆ ڕاگرتنی شەڕ. 
لە بازاڕدا، گرێبەستە ئایندەییەکانی نەوتی خاوی برێنت ١,٥٩ دۆلار، کە دەکاتە ١,٤%، دابەزینی بەخۆوە بینی و بەرمیلێکی گەیشتە ١١١,٨٤ دۆلار. هاوکات نەوتی خاوی تەکساسی ئەمریکی بە بڕی ١,٥٦ دۆلار، بە ڕێژەی ١,٥%، ڕووی لە دابەزین کرد و هەر بەرمیلێکی بە ١٠٢,٥٦ دۆلار مامەڵەی پێوە کرا. 
ئەم پاشەکشەیەی نرخەکان لە دوای ئەوە دێت کە نەوتی برێنت مامەڵەکانی مانگی رابردووی بە بەرزترین ئاست لەماوەی شەش مانگی ڕابردوودا کۆتایی پێهێنابوو؛ ئەمەش بەهۆی ترسی وەبەرهێنەران لە سەرهەڵدانەوە و پەرەسەندنی ئاڵۆزییە سەربازییەکانی نێوان ئەمریکا و ئێران. 
هەروەها بۆ سێیەم ڕۆژی لەسەریەک، گفتوگۆکانی نێوان بەرپرسانی تاران و دەوحە بە ئامانجی گەیشتن بە ڕێککەوتنێک بۆ کۆتاییهێنان بە شەڕی ئەمریکا و ئیسرائیل دژ بە ئێران بەردەوامە. ئەم هەوڵە دیپلۆماسییانە هاوکاتن لەگەڵ مانەوەی مەترسییە ئەمنییەکان لە گەرووی هورمز، دوای ئەوەی ژمارەیەک نەوتهەڵگر ڕووبەڕووی هێرش بوونەوە و ئەوەش بەرزبوونەوەی تێچووی وزە و گواستنەوەی دەریایی لەسەر ئاستی جیهان لێکەوتەوە.

لە تۆڕە کۆمەڵایەتیەکان شەیری بکە

  • 21 کاتژمێر پێش ئێستا

    فراوانکردنی پاڵاوگەی نەجەف بەرهەمهێنانی بۆ ١٠٠ هەزار بەرمیلی ڕۆژانە بەرزدەکاتەوە

  • 23 کاتژمێر پێش ئێستا

    نرخی زێڕ له‌ نزمترین ئاستی یه‌ك ساڵی ڕابردوودایه‌

  • 2 رۆژ پێش ئێستا

    دۆلار گه‌یشته‌ به‌رزترین ئاستی

  • 2 رۆژ پێش ئێستا

    نرخى زێڕ له‌ بازاڕه‌كانی هه‌رێم

  • 2 رۆژ پێش ئێستا

    بانکی ناوەندی: نزیکەی ٩٤٪ی کۆی دراو لە دەرەوەی بانکەکانە

  • 2 رۆژ پێش ئێستا

    نەبیل مەڕسوومی: نەوتی کێڵگەی خورمەڵە لە هەرێم بە قاچاخ دەبرێت بۆ تورکیا و ئەفغانستان

  • 3 رۆژ پێش ئێستا

    نرخى زێڕ له‌ بازاڕه‌كانی هه‌رێم

  • 3 رۆژ پێش ئێستا

    نرخی گازوایل لە ئەمریکا دوای دوو مانگ بۆ خوار شەش دۆلار بۆ هەر گالۆنێک دابەزی

سەرەتا