1 کاتژمێر پێش ئێستا
109 جار خوێنراوەتەوە
بەخشین لە هەولێر هاوكاریی سەرەتایی بەسەر ژمارەیەك زیانلێكەوتوواندا دابەشكرد
پەیام
دەزگای خێرخوازیی بەخشین
هەڵمەتێكی بەپەلەی مرۆیی بۆ فریاكەوتنی لێقەوماوان ڕاگەیاند و لەو میانەیەدا لە یەكەم
هەنگاویدا 20 ملیۆنی بەسەر ماڵە زیانلێكەوتووەكاندا دابەش كرد.
شەوی ڕابردوو دوای ئەوەی
شەپۆلێكی باران شاری هەولێری بەتایبەت گرتەوە و بووە هۆی لافاو و زیانی ماددی لێ كەوتەوە،
دەزگای خێرخوازیی بەخشین هەڵمەتێكی بەپەلەی بۆ بەهاناوەچوونی ماددیی زیانلێكەوتووان
ڕاگەیاند.
ئەمڕۆش، سەرۆكی دەزگاكە
و ئەندامانی نووسینگەی هەولێر وەك هەنگاوی سەرەتایی چەند ماڵێكی زیانلێكەوتوویان بەسەر
كردەوە و بۆ هەر ماڵێك بڕی 200 هەزار دینار هاوكارییان كردن.
لەوبارەوە سەرۆكی دەزگای
بەخشین ڕایگەیاند: داوا لە خێرخوازان دەكەین هاوكارمان بن بۆ قەرەبووكردنەوەی زیانلێكەوتووان.
لە تۆڕە کۆمەڵایەتیەکان شەیری بکە