1 کاتژمێر پێش ئێستا
112 جار خوێنراوەتەوە
بەهۆی لافاوەوە لە ئێران چوار كەس گیانیان لەدەستدا و 11ی دیكەش برینداربوون
پەیام
ئاژانسی ئێرنا بڵاوی
كردەوە، بەهۆی زریان و لافاوەوە كە بەشێكی زۆری ئێرانی گرتووەتەوە، چوار كەس گیانیان
لەدەست دا و 11 كەسی دیكەش بریندار بوون.
ئاژانسەكە ئەوەشی بڵاو
كردەوە، بارانی بەخوڕ زیاتر لە 20 پارێزگای ئێرانی گرتووەتەوە و لافاو چەند ناوچەیەكی
وڵاتەكەی گرتووەتەوە.
هاوكات ڕێكخراوی فریاگوزاری
نیشتیمانی وڵاتەكە ڕایگەیاند، دوو كەس بەهۆی بروسكە لە پارێزگای خوزستان گیانیان لەدەست
دا.
لەگەڵ ئەوەشدا بەهۆی
لافاوەوە چەندین ڕێگای وڵاتەكە داخران و بەشێكی گەشتەكانی شەمەندەفەر وەستێنران و
زیان بە ستونەكانی كارەبا گەیشت.
جیا لەوە ڕێكخراوی نیشتمانی
بۆ بەڕێوەبردنی قەیرانەكان، ئاماژەی بەوە كرد كە لە 19 پارێزگای وڵاتەكە ئاستی
ئاگاداركردنەوەیان بۆ بەرزترین ئاست بەرز كردووەتەوە و ئێران زیاتر لە 18 هەزار تیمی
فریاگوزاری خراونەتە حاڵەتی ئامادەباشیەوە بەمەبەستی بەدەمەوە چوونی هاوڵاتیان.
لە تۆڕە کۆمەڵایەتیەکان شەیری بکە