1 کاتژمێر پێش ئێستا
136 جار خوێنراوەتەوە
گڕگرتنی سێیەمین كەشتی نەوتهەڵگر لە گەرووی هورمز ڕاگەیەندرا
پەیام
سوپای پاسدارانی ئێران
گڕگرتنی كەشتییەكی دیكەی نەوتهەڵگری لە گەرووی هورمز ئاشكرا كرد، ئەمەش سێیەمین كەشتی
نەوتهەڵگرە لەمڕۆدا بە ئامانج بگیرێت.
لە ڕاگەیەنراوێكدا كە
ئاژانسی فارس بڵاوی كردووەتەوە، سوپای پاسداران ئاماژەی بەوەش كرد "كەشتییەكە
لە ئەنجامی تێپەڕبوونی بێ مۆڵەت كراوەتە ئامانج و بەر مینی دەریایی كەوتووە".
لە ڕاگەیەندراوەكەدا جەخت
لەوەش كراوەتەوە كە هەر كەشتیەك بەبێ مۆڵەت لە گەرووی هورمز تێپەڕ ببێت ڕووبەڕووی
هەمان چارەنووس دەبێتەوە و دەكرێتە ئامانج.
سوپای پاسداران لە چەند
ڕۆژی ڕابردوو چەند كەشتیەكی نەوتهەڵگری لە گەرووەكەدا كردە ئامانج بە هۆكاری تێپەربوونی
بێ مۆڵەت، هاوكات فەرماندەیی ناوەندی ئەمریكا ( سێنتكۆم ) ڕایگەیاندووە لە ئابڵوقە
دەریاییەكانی سەر ئێران و بەئامانجگرتنی ئەو كەشتیانەی دەیانەوێت ئەو گەمارۆیە بشكێنن،
بەردەوامە.
لە تۆڕە کۆمەڵایەتیەکان شەیری بکە