18 خولەک پێش ئێستا
45 جار خوێنراوەتەوە
ماڵپەڕێكی ئەڵمانی: ناكۆكی لە چوارچێوەی هەماهەنگی لەسەر جورفوسەخر هەیە
پەیام
ماڵپەڕێكی ئەڵمانی وردەكاری
كشانەوەی حزبوڵڵا و ناكۆكیی ناو چوارچێوەی هەماهەنگی ئاشكرا دەكات.
تۆڕی دی دەبلیوی ئەڵمانی،
وردەكاری كشانەوەی حزبوڵڵای عێراقی لە ناوچەی جورفولسەخر ئاشكرا كرد و ئاماژەی بەوە
كرد، لێكترازان هەیە لەنێوان ئەوانەی پشتگیریی ڕادەستكردنی هەندێك ناوچە بە حكومەت
دەكەن و ئەوانەی دەیانەوێت دوور لە دەسەڵاتی حكومەتی فیدراڵی بیانهێڵنەوە.
تۆڕەكە ڕایگەیاندووە،
ناكۆكی لەناو سەركردایەتی چوارچێوەی هەماهەنگیدایە، بەشێكیان ڕادەستكردنی قۆناغبەندی
بێ فشاریان پێ باشە و ئەوانی دیكە پشتیوانی هەوڵەكانی حكومەتی عێراق دەكەن.
دی دەبلیو جەختی كردووەتەوە
بزووتنەوەكە دەیەوێت گرووپی دیاریكراوی حەشدی شەعبی هەندێك كەرتی جورفوسەخر وەربگرن
بێ ڕادەستكردنی تەواوەتی بە هێزە ئەمنییە فیدراڵییەكان، كە بەپێی ڕاپۆرتەكە پێدەچێت
حكومەتی عێراق لە چوارچێوەی ڕێككەوتنەكەدا ڕەزامەندی لەسەر دابێت.
ئەمە لە كاتێكدایە سەرچاوەیەكی
حكومی بە ئاژانسی ڕۆیتەرزی ڕاگەیاندووە كە حزبوڵڵا لەسەر ڕادەستكردنی پێگەكانی لە
ناوچەی جورفوسەخر بە هێزە عێراقییەكان لەمڕۆوە ڕەزامەندی نیشان داوە.
لە تۆڕە کۆمەڵایەتیەکان شەیری بکە