ئیسرائیل پیلانی داگیركردنی شاری غـ.ەززەی ڕاگرت

پەیام 

دوای وەڵامەكەی بزووتنەوەی حەماس بۆ پەسەندكردنی پلانەكەی ترەمپ، قەوارەی زایۆنی پیلانی داگیركردنی شاری غەززەی ڕاگرت.

بنیامین نەتەنیاهو، سەرۆكوەزیرانی قەوارەی زایۆنی، سوپاكەی راسپارد پرۆسەی داگیركاری شاری غەززە ڕابگرن، ئەمەش دوای ئەوەی دۆناڵد ترەمپ سەرۆكی ئەمریكا داوای ئاگربەستی دەستبەجێی كرد.

بەپێی میدیاكانی ئەمریكا و قەوارەی زایۆنی، سەركردایەتیی سیاسی، سوپای زایۆنی ئاگاداركردووەتەوە، كە هێرشەكان لە غەززە كەم بكەنەوە و بگۆڕدرێن بۆ دۆخی بەرگری.

ئەم بڕیارەی قەوارەی زایۆنی وەكو ئامادەكارییەكە بۆ دەستبەجێ جێبەجێكردنی قۆناغی یەكەمی پلانەكەی ترەمپ لە غەززە كە ئازادكردنی سەرجەم زیندانییەكان لەخۆ دەگرێت.

ئەمەش لە كاتێكدایە، شەوی ڕابردوو دوای ئەوەی بزووتنەوەی حەماس بەشێوەیەكی مەبدەئی پلانەكەی ترەمپی پەسەند كرد بۆ كۆتاییهێنان بە جەنگ لە غەززە و ئازادكردنی سەرجەم دیلەكان، سەرۆكی ئەمریكا رایگەیاند: پێویستە ئیسرائیل دەستبەجێ بۆردومانی غەززە ڕابگرێت.