سووریا.. ئۆپۆزسیۆن كۆنتڕۆڵكردنی دەوروبەری حەلەبی ڕاگەیاند

پەیام 

ئۆپۆزسیۆنی چەكداریی سووریا ئازادكردنی دەوروبەری خۆراوای حەلەبی ڕاگەیاند.

لە ڕاگەیەندراوێكدا ئۆپۆزسیۆنی چەكداریی سووریا ئاماژەی بەوە كرد، دوای ئۆپراسیۆنێكی گەورە بۆ سەر هێزەكانی ڕژێمی سووریا و هاوپەیمانەكانی، توانیویانە دەوروبەری خۆراوای حەلەب كۆنتڕۆڵ بكەنەوە.

ڕاشیگەیاندووە، لە ئۆپراسیۆنەكەدا دەیان چەكدار لە هەردوو لا كوژراون، هاوكات بەهۆی پێكدادانەوە ڕێگای نێودەوڵەتی بەرەو دیمەشقی پایتەختی سووریا داخراوە.

بەپێی ڕاگەیەندراوەكە، لە ئۆپراسیۆنەكەدا دەستەی ئازادكردنی شام و چەند لایەنێكی دیكە لە سوپای نیشتمانی سووری شانبەشانی ئۆپۆزسیۆنی چەكداریی سووریا جەنگاون.

لەبەرانبەردا وەزارەتی بەرگریی سووریا ئاماژەی بەوە كردووە، بە هەماهەنگی لەگەڵ ڕووسیا و هێزەكانی دیكەی هاوپەیمان، تەواوی ئەو ناوچانە دەخەنەوە ژێر كۆنتڕۆڵی خۆیان كە لە ئێستادا بەدەست ئەوانەوە نین.