6 کاتژمێر پێش ئێستا
931 جار خوێنراوەتەوە
میدیای ئیسرائیلی: له جهنگی سهر ئێراندا ئهمریكا و ئیسرائیل له ئاستێكی بهرزدا له ههماههنگیدان
سوپای ئەمریکا ئامادەکارییەکانی بۆ خولێکی نوێ و فراوانتری هێرشە سەربازییەکان بۆ سەر ئێران چڕكردوهتهوه و، چاوەڕێی بڕیاری کۆتایی دۆناڵد ترەمپ، سەرۆکی ولایەتە یەکگرتووەکانی ئەمریکا دەکات.
میدیا ئیسرائیلییەکان لە سەرچاوەیەکی ئەمنیی ئاگادارەوە بڵاویانکردووەتەوە کە واشنتۆن پلانی هەیە لە ڕۆژانی داهاتوودا ئاستی هێرشە ئاسمانی و سەربازییەکانی بۆ سەر ئامانجەکان لە ناوخۆی ئێران بەرزبکاتەوە. بەپێی ڕاپۆرتەکان، هەموو پلانە سەربازییە پێویستەکان بۆ قۆناغی داهاتوو ئامادەکراون و ڕەوانەی سەر مێزی بڕیاری سەرۆکی ئەمریکا کراون بۆ ئەوەی ڕەزامەندییان لەسەر بدرێت.
سەرچاوە ئەمنییەکە ئاماژەی بەوەش کردووە کە لە ئێستادا واشنتۆن نایەوێت ئیسرائیل ڕاستەوخۆ بەشداری لەم شەپۆلە نوێیەی هێرشەکاندا بکات، بەڵام هاوئاهەنگی و ئاڵوگۆڕی زانیاریی هەواڵگری لە بەرزترین ئاستدا لە نێوان هەردوو وڵاتدا بەردەوامە. لەلایەکی دیکەوە، تەلەڤیزیۆنی فەرمیی ئیسرائیل ڕایگەیاندووە کە ناوەڕۆکی پلانە پێشنیارکراوەکە بە جۆرێک داڕێژراوە کە دەکرێت کاریگەریی ڕیشەیی لەسەر پێگەی دەسەڵاتی تاران دابنێت.
لە چوارچێوەی ئەم ئامادەکارییانەدا، ئاماژە بەوە کراوە کە پنتاگۆن دەستیکردووە بە گواستنەوە و جێگیرکردنی ژمارەیەکی زیاتری فڕۆکەی جەنگی و فڕۆکەی سوتەمەنیبەخش لە بنکەکانی ناوچەی ڕۆژهەڵاتی ناوەڕاستدا، بە مەبەستی پشتیوانیکردن لە کردەوە سەربازییە چاوەڕوانکراوەکان.
لە تۆڕە کۆمەڵایەتیەکان شەیری بکە