11/04/2025
1641 جار خوێنراوەتەوە
پێشبینی دەكرێت نرخی هەر ئایفۆنێك لەسەدا 90 بەرز ببێتەوە
پەیام
بانكێكی ئەمریكی پێشبینی دەكات بەهۆی سەپاندنی پێناسی گومركی و ڕێكارەكانی ئیدارەی نوێی ئەمریكا نرخی هەر ئایفۆنێكی نوێ بە ڕێژەیەكی بەرچاو بەرز ببێتەوە.
بانكی (ئۆف ئەمریكا) شیكاری ئابووری بۆ ئەنجامی سەپاندنی پێناسی گومرگی بەرز لەلایەن ئەمریكاوە كردووە و رایگەیاندووە، ئەو ڕێكارانەی ئیدارەی كۆشكی سپی لە ئەنجامدا و بە وادەی درێژ خایەن دەبێتە بەهۆی بەرزبوونەوەی نرخی هەر ئایفۆنێك بۆ نزیكەی 3 هەزار و 500 دۆلار.
بانكەكە رایگەیاندووە، گەر كۆمپانیاكە بە ناچاری كارگەكانی لە دەرەوەی وڵاتەوە بگەڕێتەوە بۆ ناو ئەمریكا ئەوە چەند ساڵێك دەخایەنێت، لەگەڵ ئەوەشدا تێچووی كرێكاری ئەمریكی بەرزترە بەراورد بە كرێكارانی چینی و هیندی، ئەوەش هۆكارێك دەبێت بۆ بەرزبوونەوەی نرخی بەرهەمەكانی ئەپڵ.
هەروەها بانكە ئەمریكییەكە ئەوەشی رایگەیاندووە، بەشێك لە پارچەكانی بەرهەمەكانی ئەپڵ لە دەرەوەی ئەمریكاوە بەرهەم دەهێندرێن گەر باجی بەرز كە ئێستا كاراكراوە بەسەر ئەو پارچانەدا بسەپێندرێت ئەوە نرخی هەر ئایفۆنێك بە ڕێژەی 90 لەسەد بەرز دەبێتەوە و نزیك دەبێتەوە لە 3 هەزار و 500 دۆلار
لە تۆڕە کۆمەڵایەتیەکان شەیری بکە