چاڤی بەرگری لە ئانچلۆتی دەکات و نهێنی قسەکانی لەگەڵ فلیک ئاشکرا دەکات

بڕیار تەها - پەیام سپۆڕت

چاڤی هێرناندێزی ڕاهێنەری پێشووی بەرشەلۆنە بەرگری لە کارلۆ ئانچلۆتی دەکات و هاوکات ڕایدەگەیەنێت ئامادەیە وەک ڕاهێنەر بگەڕێتەوە بەڵام مەرجی هەیە.

 لە نوێترین دیداریدا چاڤی هێرناندێز باسی چەندین شتی گرنگ دەکات و سەرەتا دەڵێت: دەمەوێت بۆ کاری ڕاهێنەرایەتی بگەڕێمەوە، ئارەزوو دەکەم لە پرێمەرلیگ کار بکەم و پڕۆژەیەکی باش بێت، بۆ نموونە پڕۆژەیەکە چوار وەرز بێت و نازناوی لەگەڵ بێت.

لە بەردەوامی قسەکانیدا چاڤی بەگری لە ئانچلۆتی دەکات و ئەوە دەخاتە روو، ئەگەر کارلۆ ئانچلۆتی کە ٣٠ نازناوی بەدەست هێناوە بەم شێوەیە ڕەخنەی لێ بگیرێت ئیدی چ هیوایەک بۆ ڕاهێنەرانی دیکە هەیە، دادپەروەری نییە ئەوەی بەسەریدا ئانچلۆتیدا دێت، بەڵام فشارەکان لە ئیسپانیا سەختن.

لە درێژەی قسەکانیدا چاڤی دەڵێت: بەرشەلۆنە تیپێکی نایاب و ناوازەیە، هێندەی تریش بەرەو پێش دەچێت، چونکە یاریزانەکان هێشتا گەنجن، فلیک هات بۆ لام دوو کاتژمێر گفتوگۆمان کرد، پێی وتم: سوپاس بۆ ئەو کارەی بۆ تیپەکە کردت، ئەم قسانەی هانسی دڵخۆشی کردم.

لە کۆتایدا چاڤی دەڵێت: کاتێک ستایشی ڕاهێنەری ئێستای تیپێک دەکرێت، زۆرجار سەبارەت بە ڕاهێنەری پێشوو بە شێوەیەکی نەرێنی لێکدەدرێتەوە، پەیوەندییەکی باش و بەڕێزم لەگەڵ فلیک و یاریزانەکان هەیە، هەروەها لەگەڵ ڕۆناڵد کۆمان هەمان شتم کرد، کە پێویستە ستایشی ئەو ڕاهێنەرە بکەین، چونکە باڵدێ و گاڤی سەرخت، هەروەها بە دڵنیاییەوە شانازی دەکەم کە یەکەم دەرفەتم بە لامین یەماڵ و کۆبارسی داوە، لامین یاریزانێکی باوەڕپێنەکراوە، لە داهاتوودا دەبێتە باشترینی جیهان.